For Daily Alerts
Just In
அப்பல்லோ வாசலில் திருவிழாக்கோலம்.. ஆட்டம், பாட்டம், ஸ்வீட் வினியோகம்
முதல்வர் ஜெயலலிதா தனி வார்டுக்கு மாற்றப்பட்டதை அதிமுகவினர் திருவிழா போல கொண்டாடிவருகிறார்கள்.
சென்னை: முதல்வர் ஜெயலலிதா, ஐசியூ பிரிவிலிருந்து, தனி வார்டுக்கு மாற்றப்பட்டுள்ள தகவலை அறிந்ததும், அப்பல்லோ மருத்துவமனை முன்பு குவிந்த அதிமுக ஆண், பெண் தொண்டர்கள் உற்சாக நடனமாடினர்.
மாலை வேளை என்றபோதிலும், அப்பல்லோ முன்பாக குவிந்த, அதிமுக மகளிரும், ஆண்களும், லட்டு உள்ளிட்ட இனிப்புகளை ஒருவருக்கொருவர் பகிர்ந்து கொண்டனர்.
ஆட்டம், பாட்டத்தில் ஈடுபட்டனர். "எங்கள் அம்மா, மறு பிறவி எடுத்துள்ளார்" என்று அவர்கள் உற்சாக கோஷமிட்டனர். "புரட்சி தலைவி அம்மா வாழ்க" என தொண்டர்கள் கோஷமிட்டனர்.
சில பெண்கள் உற்சாக மிகுதியால் ஆட்டம் போட்டு களிப்பை தெரிவித்தனர். ஜெயலலிதாவுக்காக மனமுருக பிரார்த்தனை செய்த மக்களுக்கு அதிமுக தொண்டர்கள் நன்றி கூறினர். மொத்தத்தில் அப்பல்லோ மருத்துவமனையின் வெளிப்புறம், திருவிழாக்கோலம் பூண்டுள்ளது.
Comments
English summary
AIADMK cadres celebrates as their supremo Jayalalitha's shifted from the Apollo ICU to normal ward.