ஸ்ரீரங்கம் வளர்மதி என்ன படித்துள்ளார்?... சுவருக்கு சுவர் ஒரு படிப்பா போட்ருக்காங்களே??
ஸ்ரீரங்கம்: ஸ்ரீரங்கம் இடைத் தேர்தலில் போட்டியிடும் அதிமுக வேட்பாளர் எஸ். வளர்மதி என்ன படித்துள்ளார் என்பதில் திடீர் குழப்பம் ஏற்பட்டுள்ளது. குழப்பம் வேறு யாருக்கும் அல்ல, மக்களுக்குத்தான்.
ஸ்ரீரங்கம் இடைத் தேர்தலில் அதிமுக சார்பில் எஸ். வளர்மதி போட்டியிடுகிறார். தீவிரப் பிரசாரத்திலும் ஈடுபட்டுள்ளார். வளர்மதிக்கு ஆதரவு கேட்டு அமைச்சர் படையும் தொகுதியையே அங்குலம் அங்குலமாக அளந்து கொண்டுள்ளது.
அதிமுகவினரும் தாறுமாறான பிரசாரத்தில் தீவிரமாக உள்ளனர். இவர்களுக்குச் சரிக்குச் சமமாக திமுகவினரும் தீப்பொறி பறக்க பிரசாரம் மேற்கொண்டு வருகின்றனர்.
இந்த நிலையில் வளர்மதிக்கு ஆதரவு கேட்டு சுவர் சுவராக எழுதப்பட்டுள்ள விளம்பர வாசகம்தான் குழப்பமாக மாறியுள்ளது. காரணம், வளர்மதி பெயருக்குப் பின்னால் விதம் விதமான படிப்புகளைப் போட்டு கலக்கியுள்ளனர்.
ஒரு இடத்தில் எழுதப்பட்டுள்ள விளம்பரத்தில் BA BL என்று போட்டுள்ளனர்.
இன்னொரு இடத்தில் MA MPil Bed BL என்று எழுதி தலை காய வைக்கின்றனர். அது M Phil.... Mpil இல்லை நமக்குத் தெரிகிறது. ஆனால் படிக்கத் தெரியாதவர்களுக்கு அடேங்கப்பா வளரு எம்புட்டுப் படிப்பு படிச்சிருக்கு பாருய்யா என்று ஆச்சரியப்படும் நிலை ஏற்படலாம்.
சரி உண்மையில் வளர்மதி என்னதான் படித்துள்ளார்.. அவரே விளக்கினால்தான் உண்டு!
Click it and Unblock the Notifications
Sign in with Google