விருத்தாச்சலத்தில் ஜெ. வெளியிட்ட அதிமுக தேர்தல் பிரச்சாரப் பாடல்கள் சிடி!
விருத்தாசலம்: அதிமுக தேர்தல் பிரச்சார பாடல்கள் அடங்கிய சிடியை, அக்கட்சியின் பொதுச்செயலாளரும், தமிழக முதல்வருமான ஜெயலலிதா விருத்தாச்சலம் பொதுக்கூட்டத்தில் வெளியிட்டார்.
கடலூர் மாவட்டம் விருத்தாசலத்தில் நேற்று அதிமுக தேர்தல் பிரசார பொதுக்கூட்டம் நடைபெற்றது. இதில், கலந்து கொண்டு, அதிமுக வேட்பாளர்களை அறிமுகப்படுத்தினார் அக்கட்சியின் பொதுச்செயலாளரும், தமிழக முதல்வருமான ஜெயலலிதா .
பொதுக்கூட்டத்தில் பேசிய ஜெயலலிதா, பின்னர் அதிமுக சார்பில் தயாரிக்கப்பட்டுள்ள தேர்தல் பிரச்சாரப் பாடல்கள் அடங்கிய சிடியை வெளியிட்டார். இதனை ஜெயலலிதாவிடமிருந்து அ.தி.மு.க. கொள்கை பரப்புச் செயலாளரும், கரூர் தொகுதி பாராளுமன்ற உறுப்பினருமான மு.தம்பிதுரை பெற்றுக் கொண்டார்.
இந்நிகழ்ச்சியின் நிறைவாக, பாரத முன்னேற்றக் கழக நிறுவனத் தலைவரும், காட்டுமன்னார்கோவில் தொகுதி முன்னாள் சட்டசபை உறுப்பினருமான என்.ஆர்.ராஜேந்திரன் ஜெயலலிதாவை நேரில் சந்தித்து, தன்னை அதிமுகவில் அடிப்படை உறுப்பினராக இணைத்துக் கொண்டார்.
Click it and Unblock the Notifications
Sign in with Google