காலுக்கே கால்... அமைச்சர் ஓ. பன்னீர்செல்வம் காலில் விழுந்த அதிமுக வேட்பாளர்
தேனி: அதிமுக நிர்வாகிகள் கூட்டத்தில் தமிழக நிதி அமைச்சர் ஓ.பன்னீர்செல்வம் காலில் விழுந்து ஆசி வாங்கினார் தேனி நாடாளுமன்ற தொகுதி வேட்பாளர் பார்த்திபன்.
தேனி நாடாளுமன்ற தொகுதி அதிமுக வேட்பாளராக பார்த்திபனை அதிமுக தலைமை அறிவித்தது. இதனையடுத்து தேனி-பழனிசெட்டிபட்டியில் அதிமுக நிர்வாகிகள் ஆலோசனைக் கூட்டம் நடந்தது.
கூட்டத்தில் தேனி மாவட்ட அதிமுக நிர்வாகிகள் பலர் பங்கேற்று பார்த்திபனை வெற்றி பெற வைப்பது குறித்து பேசினர். இந்த கூட்டத்தில் நிதி அமைச்சர் ஓ.பன்னீர் செல்வம் பேச மைக் முன்பு வந்தார். அப்போது பார்த்திபன் பன்னீர் செல்வத்திற்கு சால்வை அணிவித்து திடீரென காலில் விழுந்தார்.
வழக்கமாக ஓ.பன்னீர் தான் முதல்வர் ஜெயலலிதா காலில் சாஷ்டங்டமாய் விழுவார். இதனால் பதறிப் போன பன்னீர்செல்வம் அதிர்ச்சி அடைந்தார். இருப்பினும் சுதாரித்துக் கொண்டு நீங்களும் சரி, நானும் சரி எல்லோரும் முதல்வர் அம்மா காலில் விழுந்து தான் ஆசிர்வாதம் பெற வேண்டும் என கூலாக கூறினாராம்.
Click it and Unblock the Notifications
Sign in with Google