தென் சென்னையில் சாதிப்பாரா? அதிமுகவின் இளம் வேட்பாளர் ஜெயவர்தன்
சென்னை: தென்சென்னை தொகுதியின் அதிமுக வேட்பாளராக அறிவிக்கப்பட்டுள்ள ஜெ. ஜெயவர்த்தன் 29-5-1987-இல் பிறந்தவர். எம்.பி.பி.எஸ். முடித்துவிட்டு தற்போது எம்.டி. பொதுமருத்துவம் படித்து வருகிறார். மனைவி ஸ்வர்ணலட்சுமியும் மருத்துவர்.
இவர் சட்டப்பேரவை முன்னாள் தலைவர் டி. ஜெயக்குமாரின் மகன். மீனவர் சமுதாயத்தைச் சேர்ந்த இவர் தென் சென்னை தொகுதி வேட்பாளராக அறிவிக்கப்பட்டுள்ளார்.
தென் சென்னையில் வன்னியர் சமூகத்தைச் சேர்ந்த ஒருவரைத்தான் கட்சிகள் வேட்பாளராக நிறுத்த முன்வரும். கடந்த முறை பாமக கூட்டணியில் இடம்பெற்றதால் அதிமுக வேட்பாளராக இருந்த சிட்லபாக்கம் ராஜேந்திரன் எளிதாக வெல்ல முடிந்தது.
இம்முறை மீனவர் சமூகத்தைச் சேர்ந்த ஜெயவர்தனை தென் சென்னை வேட்பாளராக்கியுள்ளார். அதிமுக அறிவித்துள்ள வேட்பாளர்களிலேயே மிகவும் இளையவர்.
தென்சென்னையில் வெற்றிக்கொடியை நாட்டுவாரா? இந்த இளம் மருத்துவர் என்ற எதிர்பார்ப்பு அதிமுகவினர் மத்தியில் எழுந்துள்ளது.
Click it and Unblock the Notifications
Sign in with Google