ஓபிஎஸ் ஆதரவு அதிமுக ஐடி விங் செயலாளரை டிஸ்மிஸ் செய்தது சசி குரூப்!
ஓபிஎஸ்க்கு ஆதரவாக செயல்பட்டதாக அதிமுக தகவல் தொழில் நுட்ப பிரிவு செயலாளர் ஜி.ராமச்சந்திரன் அக்கட்சியில் இருந்து நீக்கப்பட்டுள்ளார்.
சென்னை: முதல்வர் ஓபிஎஸ்க்கு ஆதரவாக செயல்பட்டதாக அதிமுக தகவல் தொழில் நுட்ப பிரிவு அணி செயலாளர் நீக்கப்பட்டுள்ளார். இணையதளத்தில் ஓபிஎஸ்க்கு ஆதரவாக கணக்கு தொடங்கி தகவல் வெளியிட்டதற்காக அவர் டிஸ்மிஸ் செய்யப்பட்டுள்ளார்.
முதல்வர் ஓ.பன்னீர்செல்வம் நேற்றிரவு முதல் மன்னார்குடி கோஷ்டிக்கு அதிர்ச்சி வைத்தியம் அளித்து வருகிறார். ஜெயலலிதா மரணத்திலிருந்து அவர்கள் போட்ட ஆட்டத்தையும் முதல்வர் ஓபிஎஸ் போட்டுடைத்து வருகிறார்.
முதல்வர் ஓ.பன்னீர்செல்வத்துக்கு பல்வேறு தரப்பினரும் அதரவு தெரிவித்து வருகின்றனர். இந்நிலையில் ஓபிஎஸ்க்கு ஆதரவாக செயல்பட்ட அதிமுக அதிமுக தகவல் தொழில் நுட்ப பிரிவு அணி செயலாளர் ஜி.ராமச்சந்திரனை சசிகலா தரப்பு கட்சியில் இருந்து நீக்கியுள்ளது.
ஓ.பன்னீர்செல்வத்திற்கு டிவிட்டரில் கணக்கு தொடங்கிய ராமச்சந்திரன் அவருக்கு ஆதரவான செய்திகளை வெளியிட்டுள்ளார். இதனால் அவர் கட்சியில் இருந்து நீக்கப்பட்டுள்ளார்.