அதிமுக அரசு 5 ஆண்டுகள் உத்தரவாதம் உள்ள எல்இடி பல்ப்.. ஸ்டாலினுக்கு தம்பிதுரை அடடே பதில்!

அதிமுக அரசு 5 ஆண்டுகள் உத்தரவாதம் உள்ள எல்இடி விளக்கு என திமுக தலைவர் ஸ்டாலினுக்கு அதிமுக எம்பி தம்பிதுரை பதிலடி கொடுத்துள்ளார்.

கரூர்: அதிமுக அரசு 5 ஆண்டுகள் உத்தரவாதம் உள்ள எல்இடி விளக்கு என திமுக தலைவர் ஸ்டாலினுக்கு அதிமுக எம்பி தம்பிதுரை பதிலடி கொடுத்துள்ளார்.

அதிமுக எம்பியும் லோக்சபா துணை சபாநாயகருமான தம்பிதுரை கரூரில் செய்தியாளர்களிடம் பேசினார். அப்போது அதிமுக அரசு அணைய போகும் விளக்கு என ஸ்டாலின் விமர்சித்தது குறித்து செய்தியாளர்கள் அவரிடம் கேள்வி எழுப்பினர்.

அதற்கு பதிலளித்த தம்பிதுரை, ஸ்டாலின் கூறுவது போல் அதிமுக ஒன்றும் தீபம் இல்லை. 5 ஆண்டுகள் உத்திரவாதமாக சுடர்விடப்போகும் எல்இடி பல்பு. அதிமுக அணையா விளக்கே தவிர, அணையும் தீபம் இல்லை என்றார்.

மேலும் அவர் பேசியதாவது, பெட்ரோல், டீசல் விலை ரூ.2.50 குறைக்கப்பட்டது ஏமாற்றம் அளிக்கிறது. ரூ.10 குறைத்திருக்க வேண்டும்.கலால் வரி மத்திய அரசின் கட்டுப்பாட்டில் தான் உள்ளது.

மாநில அரசு நிதி பற்றாக்குறையாக செயல்படுகிறது. ஜிஎஸ்டிக்கு பிறகு நிதி கட்டுப்பாடு மத்திய அரசின் கட்டுப்பாட்டில் சென்று விட்டது என தெரிவித்தார்.

English summary

ADMK MP Thambidurai has said that ADMK is a LED bulp. ADMK is not a Deepam to be douse.