அதிமுகதான் டாப்பு.. மத்த கட்சிலாம் டூப்பு.. அமைச்சர் செல்லூர் ராஜு கலகல
தமிழகத்தில் அதிமுகதான் டாப்பு, மற்ற எல்லா கட்சியும் டூப்பு என்று அமைச்சர் செல்லூர் ராஜு பேட்டியளித்துள்ளார்.
மதுரை: தமிழகத்தில் அதிமுகதான் டாப்பு, மற்ற எல்லா கட்சியும் டூப்பு என்று அமைச்சர் செல்லூர் ராஜு பேட்டியளித்துள்ளார்.
தமிழக அரசியல்வாதிகள் இப்போதெல்லாம் வித்தியாசமாக ஏதாவது பேட்டி அளித்து வைரல் ஆகி வருகிறார்கள். அதிமுக அமைச்சர்கள் அதிகமாக இப்படி வைரலாகுகிறார்கள். முக்கியமாக அமைச்சர் செல்லூர் ராஜு பேட்டி கொடுத்தும், வித்தியாசமாக எதாவது செய்தும் டிரெண்டிங்கில் உள்ளார்.
இந்த நிலையில் மதுரையில் நேற்று நடந்த அதிமுக நிகழ்ச்சி ஒன்றில் கலந்து கொண்டு, அமைச்சர் செல்லூர் ராஜு பேசினார். சென்னையில் பேரணி நடத்த உள்ள அழகிரி குறித்தும், அதிமுக கட்சி குறித்தும் இவர் பேசியது வைரலாகி உள்ளது.
அதில், அதிமுக கட்சியும், ஆட்சியையும் வலுவாக உள்ளது. தமிழகத்தை அதிமுக சிறப்பாக வழிநடத்துகிறது. கட்சியை எடப்பாடி பழனிச்சாமி மிகவும் சிறப்பாக வழிநடத்தி வருகிறார். தமிழகத்தில் அதிமுகதான் டாப்பு, மற்ற எல்லா கட்சியும் டூப்பு.
திமுகவை உடைக்கும் எண்ணம் அதிமுகவுக்கு கிடையாது. அழகிரியால் திமுகவில் குழப்பம் ஏற்பட்டுள்ளது. அழகிரிக்கு என்ன பலம் இருக்கிறது என்று இப்போது தெரியாது.
அழகிரிக்கு ஆதரவு எவ்வாறு உள்ளது என்பது செப். 5ம் தேதிக்கு பின்னர் தெரியும். அழகிரியின் பேரணிக்கு பின்பே எல்லாம் தெரியும். திமுகவில் என்ன நடக்கிறது என்று பொறுத்திருந்து பார்ப்போம் என்றுள்ளார்.
Click it and Unblock the Notifications
Sign in with Google