For Daily Alerts
Just In
அமைச்சர் செல்லூர் ராஜுவின் தாயார் காலமானார்.. மதுரையில் இன்று நல்லடக்கம்!
அதிமுக கட்சியை சேர்ந்த அமைச்சர் செல்லூர் ராஜுவின் தாயார் உடல் நலக்குறைவு காரணமாக மரணம் அடைந்துள்ளார்.
மதுரை: அதிமுக கட்சியை சேர்ந்த அமைச்சர் செல்லூர் ராஜுவின் தாயார் உடல் நலக்குறைவு காரணமாக மரணம் அடைந்துள்ளார்.
தமிழக அரசின் கூட்டுறவுத் துறை அமைச்சராகவும், அதிமுக கட்சியில் முக்கிய உறுப்பினராகவும் உள்ள அமைச்சர் செல்லூர் ராஜு. இவரது தாயார் ஒச்சம்மாள் (95) மதுரையில் வசித்து வந்தார்.
செல்லூர் ராஜுவின் பூர்வீக வீட்டில் ஒச்சம்மாள் வசித்து வந்தார். இந்த நிலையில் அவர் கடந்த சில மாதங்களாக உடல்நல குறைவு காரணமாக சிகிச்சை பெற்றுவந்தார்.
இந்த நிலையில் இன்று காலை, அமைச்சர் செல்லூர் ராஜுவின் தாயார் ஒச்சம்மாள் (95) உடல்நலக்குறைவால் மரணம் அடைந்தார். அவரது உடல் இன்று மாலை அடக்கம் செய்யப்பட உள்ளது.
அதிமுக கட்சி உறுப்பினர்கள், நிர்வாகிகள் இறுதிச்சடங்கில் கலந்து கொள்வார்கள் என்று எதிர்பார்க்கப்பட்டுள்ளது.
English summary
ADMK minister Sellur Raju Mother passes away.