கோவையில் டான்ஸ் ஆடி வாக்கு சேகரித்த அதிமுக எம்.எல்.ஏ. ஆறுக்குட்டி
கோவை: கோவையில் ஆயிரத்தில் ஒருவன் படம் பார்க்க வந்தவர்கள் முன்பு அதிமுக எம்.எல்.ஏ. ஆறுக்குட்டி டான்ஸ் ஆடி வாக்கு சேகரித்துள்ளார்.
வரும் நாடாளுமன்ற தேர்தலில் கோவை தொகுதியில் அதிமுக சார்பில் நாகராஜன் போட்டியிடுகிறார். கொங்கு வேளாள கவுண்டர் சமுதாயத்தைச் சேர்ந்த அவர் கோவை மாவட்ட அதிமுக வழக்கறிஞர் அணி தலைவராகவும், கவுண்டம்பாளையம் தொகுதி செயலாளராகவும் உள்ளார்.
அவருக்கு ஆதரவாக கவுண்டம்பாளையம் அதிமுக எம்.எல்.ஏ. ஆறுக்குட்டி பிரச்சாரம் செய்து வருகிறார். இந்நிலையில் கோவையில் உள்ள சாந்தி தியேட்டரில் புதிய தொழில்நுட்பத்தில் வெளியான எம்.ஜி.ஆர்., ஜெயலலிதா நடித்த ஆயிரத்தில் ஒருவன் திரைப்படத்தை காண ரசிகர்கள் வந்தனர். அப்போது அங்கு வந்த எம்.எல்.ஏ. ரசிகர்கள் முன்பு டான்ஸ் ஆடி நாகராஜனுக்கு வாக்கு சேகரித்தார்.
ஆளுங்கட்சி எம்.எல்.ஏ. ஒருவர் டான்ஸ் ஆடி வாக்கு கேட்டது பலரையும் வியப்பில் ஆழ்த்தியுள்ளது.
Click it and Unblock the Notifications
Sign in with Google