அதிமுக எம்.பி. வைத்திலிங்கம் தஞ்சை மருத்துவமனையில் அனுமதி

அதிமுக எம்.பி. வைத்திலிங்கம் உடல் நலக் குறைபாடு காரணமாக தஞ்சையில் உள்ள மருத்துவமனையில் அனுமதிக்கப்பட்டுள்ளார்.

தஞ்சை: அதிமுக முன்னாள் அமைச்சரும், எம்.பி.யுமான வைத்திலிங்கம் உடல்நலக் குறைபாடு காரணமாக தஞ்சையில் உள்ள மருத்துவமனையில் அனுமதிக்கப்பட்டுள்ளார்.

தஞ்சை மாவட்டம் ஒரத்தநாடு அருகேயுள்ள தெலுங்கன்குடிகாடு பகுதியைச் சேர்ந்தவர் வைத்திலிங்கம் (55). அதிமுக முன்னாள் அமைச்சரான இவர், தற்போது மாநிலங்களவை எம்பியாக இருக்கிறார்.

வைத்திலிங்கத்திற்கு சனிக்கிழமை திடீரென உடல்நலக் குறைவு ஏற்பட்டது. உடனடியாக தஞ்சை புதிய பஸ்நிலையம் அருகே உள்ள தனியார் மருத்துவமனையில் சிகிச்சை பெற்றார்.

தஞ்சையில் ஞாயிற்றுக்கிழமை பல்வேறு நிகழ்ச்சிகளில் கலந்து கொண்ட எம்பி வைத்திலிங்கத்திற்கு நேற்றிரவு மீண்டும் உடல் நலக்குறைவு ஏற்பட்டதால் அதே மருத்துவமனையில் சேர்க்கப்பட்டு சிகிச்சை பெற்று வருகிறார்.

English summary

ADMK MP Vaithilingam was admitted in Tanjore Hospital yesterday night for illness.