12 மாநகராட்சிகளுக்கான அதிமுக வேட்பாளர் பட்டியலை வெளியிட்டார் ஜெயலலிதா!

சென்னை: உள்ளாட்சித் தேர்தலில் 12 மாநகராட்சிகளுக்குமான அதிமுக வேட்பாளர் பட்டியலை முதல்வர் ஜெயலலிதா இன்று வெளியிட்டார்

தமிழகத்தில் உள்ளாட்சித் தேர்தல் 2 கட்டங்களாக நடைபெறுகிறது. அக்டோபர் 17,19 தேதிகளில் வாக்குப் பதிவும் அக்டோபர் 21-ல் வாக்கு எண்ணிக்கையும் நடைபெற உள்ளது.

உள்ளாட்சித் தேர்தல் தேதி நேற்றுதான் வெளியானது. இன்று அதிமுகவின் வேட்பாளர் பட்டியலை முதல்வர் ஜெயலலிதா வெளியிட்டுள்ளார்.

முதல் கட்டமாக 12 மாநகராட்சிகளுக்குமான வேட்பாளர்களை அறிவித்துள்ளார். இதில் சென்னை, திண்டுக்கல், நெல்லை, ஈரோடு மாநகராட்சிகளின் தற்போதைய மேயர்களுக்கு மீண்டும் போட்டியிட வாய்ப்பு அளிக்கப்படவில்லை.

சென்னையில் முன்னாள் அமைச்சர்கள் கோகுல இந்திரா, வளர்மதிக்கு போட்டியிட வாய்ப்பு கிடைக்கும் என கூறப்பட்டது. ஆனால் இருவருக்கும் வாய்ப்பு தரப்படவில்லை என்பது குறிப்பிடத்தக்கது.

English summary

Tamilnadu CM Jayalalitha today released Candidates list in the Local body elections of 12 Corporations.