முதல்நாள் விகே சசிகலா.. அப்புறம் 'சின்னம்மா' புராணம்.. அதிமுக அதிகாரப்பூர்வ நாளேட்டில்தான்!
அதிமுகவின் அதிகாரப்பூர்வ நாளேடான நமது எம்ஜிஆரும் இப்போது சசிகலாவை "சின்னம்மா" என அழைக்கிறது.
சென்னை: ஜெயலலிதாவை நிறுவனராக கொண்ட அதிமுகவின் அதிகாரப்பூர்வ நாளேடான டாக்டர் நமது எம்ஜிஆர் தற்போது சசிகலாவை சின்னம்மா என்றே பக்கம் பக்கமாக புராணம் பாட தொடங்கியுள்ளது.
ஜெயலலிதா மறைந்த உடனேயே அதிமுகவின் தலைமை பதவி குறித்த சர்ச்சை வெடித்தது. மூத்த பத்திரிகையாளர் சோ இறந்த போது முதல்வர் ஓ. பன்னீர்செல்வமும் சசிகலாவும் தனித்தனியே அஞ்சலி செலுத்தினர்.
அதிமுகவின் அதிகாரப்பூர்வ நாளேடான நமது எம்ஜிஆர் சசிகலாவுக்குதான் முதல் பக்கத்தில் இடம்கொடுத்தது. பின்னர் ஜெயலலிதா நினைவிடத்தில் சசிகலா திடீரென அஞ்சலி செலுத்திய போதும் விகே சசிகலா என்றே குறிப்பிட்டது.
திடீரென ஜெயா டிவி மூலமாக சில அதிமுக நிர்வாகிகள் சசிகலாவை நேரில் சந்தித்து கட்சித் தலைமை ஏற்க வலியுறுத்தி இருந்தனர். அதன்பின்னர் விகே சசிகலா என்பது "சின்னம்மா"வாக மாறியது.
அப்புறம் என்ன டாக்டர் நமது எம்ஜிஆரும் இப்போது பக்கம் பக்கமாக "சின்னம்மா" புராணத்தையே பாடி வருவது அதிமுக தொண்டர்களை முகம் சுளிக்க வைத்திருக்கிறது.
Click it and Unblock the Notifications
Sign in with Google