முதல்வராக ஜெ., பதவியேற்பு... நெல்லையில் அதிமுக கொண்டாட்டம்

நெல்லை: தமிழக முதல்வராக ஜெயலலிதா பதவியேற்றதை நெல்லை மாவட்டம் செங்கோட்டையில் அதிமுக தொண்டர்கள் இனிப்புகள் வழங்கி உற்சாகமாக கொண்டாடினர்.

தமிழக முதல்வராக 6-வது முறையாக ஜெயலலிதா இன்று பதவியேற்றார். அவர் பதவியேற்றதை ஒட்டி செங்கோட்டை நகர அதிமுகவினர் கொண்டாட்டத்தில் ஈடுபட்டனர். அப்போது, செங்கோட்டை காவல் நிலையம் முன்பு அமைந்துள்ள அண்ணா சிலைக்கு அதிமுக சார்பில் மாலை அணிவிக்கப்பட்டது.

இதில், கடையநல்லூர் சட்டமன்றத் தொகுதி இணை செயலாளர் நடராஜன், நகர் மன்றத் தலைவர் மோகன கிருஷ்ணன் மற்றும் நகர்மன்ற உறுப்பினர்கள் பலர் கலந்து கொண்டனர். பின்னர், பட்டாசு வெடித்தும் இனிப்பு வழங்கியும் முதல்வரின் பதவியேற்றதை அவர்கள் கொண்டாடி மகிழ்ந்தனர்.

English summary

As Jeyalitha becomes Chief minister of Tamilnadu again, ADMK Volunteers under celebrations in Nellai.