ட்விட்டர் புரபைலாக கருணாநிதியுடன் இருக்கும் படத்தை திடீரென வைத்த குஷ்பு- காங். தொண்டர்கள் ஷாக்!
ட்விட்டர் புரபைலாக கருணாநிதியுடன் இருக்கும் படத்தை குஷ்பு திடீரென வைத்து பரபரப்பை ஏற்படுத்தியுள்ளார்.
சென்னை: ராகுல் காந்தியை சந்திக்கவிடாமல் தடுத்து சதி செய்ததாக கோபத்தில் இருக்கும் நடிகை குஷ்பு திடீரென தமது ட்விட்டர் பக்கத்தின் முகப்பு படமாக கருணாநிதியுடன் இருக்கும் படத்தை மாற்றியிருப்பது காங்கிரஸ் தொண்டர்களை அதிர்ச்சியடைய வைத்துள்ளது.
திமுகவில் இருந்தபோது தாம் ஓரம்கட்டப்பட்டுவதாக நடிகை குஷ்பு ஆதங்கப்பட்டார். அத்துடன் திமுகவின் அடுத்த தலைவர் ஸ்டாலின் தொடர்பாகவும் சில கருத்துகளை கூறியிருந்தார். இதனால் குஷ்புவை திமுக தொண்டர்கள் தாக்கினர்.
இதையடுத்து அரசியலில் சற்று ஒதுங்கியிருந்த குஷ்பு திடீரென காங்கிரஸில் ஐக்கியமானார். அவருக்கு தேசிய செய்தித் தொடர்பாளர் பதவியும் கூட கிடைத்தது.
நக்மாவுக்கும் பொறுப்பு
அதேநேரத்தில் நடிகை நக்மா, மகிளா காங்கிரஸ் கட்சியின் பொதுச்செயலராக இருக்கிறார். இருவரும் தமிழ் சினிமா நடிகைகள் என்பதால் தமிழகத்தில் யார் கை ஓங்கும்? என்பதில் போட்டி போட்டு கோஷ்டி சேர்த்தனர்.
தமிழகத்தில் முகாம்
நடிகை குஷ்பு வெளிநாடு சென்றபோது நக்மா தமிழகத்திலேயே டேரா போட்டு அரசியல் தலைவர்களை சந்தித்து வந்தார். குஷ்புவுக்கு செக் வைக்கும் வகையில் அண்ணா அறிவாலயம், நக்மாவுக்கு ஆதரவு தந்தது.
ராகுலை சந்திக்க முயற்சி
இதனிடையே கருணாநிதி பிறந்த நாள் விழாவில் கலந்து கொள்ள ராகுல் காந்தி சென்னை வந்து முகாமிட்டார். அப்போது அவரை சந்திக்க குஷ்பு மெனக்கெட்டார். ஆனால் ராகுலுடனான சந்திப்பு நடைபெறவில்லை. இதற்கு காரணமே நக்மா என கொந்தளித்துக் கொண்டிருக்கிறார் குஷ்பு.
புரபைல் படம் மாற்றம்
இந்நிலையில் ட்விட்டரில் தம்முடைய புரபைல் படமாக கருணாநிதியுடன் இருக்கும் படத்தை குஷ்பு வைத்திருக்கிறார். காங்கிரஸ் கட்சியின் தேசிய செய்தித் தொடர்பாளராக இருக்கும் குஷ்பு எப்படி திமுக தலைவருடன் இருக்கும் படத்தை வைக்கலாம்? திமுகவுக்கு போவேன் என மீண்டும் காங்கிரஸ் கட்சியை மிரட்டுகிறாரா குஷ்பு? என கொந்தளிக்கின்றன கதர் சட்டைகள்.
Click it and Unblock the Notifications
Sign in with Google