திமுக மட்டுமில்லை.. அதிமுக கூட்டணி கட்சிகளும் ஜல்லிக்கட்டு போராட்டத்தில் குதிப்பு
பழங்காநத்தம் சந்திப்பில், நடைபெற்ற ஆர்ப்பாட்டத்தில், கருணாஸ், தமிழக கொங்கு இளைஞர் பேரவை தலைவர் உ.தனியரசு, மனிதநேய ஜனநாயக கட்சியின் தமீமுன் அன்சாரி உள்ளிட்டோர் பங்கேற்றனர்.
மதுரை: மதுரை பழங்காநத்தத்தில் அதிமுக கூட்டணி தலைவர்கள் ஜல்லிக்கட்டுக்கு ஆதரவாக போராட்டம் நடத்தினர்.
பழங்காநத்தம் சந்திப்பில், நடைபெற்ற ஆர்ப்பாட்டத்தில், முக்குலத்தோர் புலிப்படை கட்சி தலைவரும் எம்எல்ஏவுமான கருணாஸ், தமிழக கொங்கு இளைஞர் பேரவை தலைவர் உ.தனியரசு, மனிதநேய ஜனநாயக கட்சியின் பொதுச் செயலாளரும், சட்டமன்ற உறுப்பினருமான தமீமுன் அன்சாரி உள்ளிட்டோர் இப்போராட்டத்தில் பங்கேற்றனர்.
இவர்கள் ஜல்லிக்கட்டு அனுமதி கோரி கோஷமிட்டனர். மத்திய அரசு அவசர சட்டம் மூலமாக இப்பிரச்சினையை தீர்க்க வேண்டும் என்று அவர்கள் வலியுறுத்தினர்.
ஆளும் கட்சியின் கூட்டணி கட்சியினரே போராட்டம் நடத்தியுள்ளதை பார்க்கும்போது ஆளும் கட்சி இதற்கு மறைமுக ஆதரவு அளித்திருக்கும் என தெரிகிறது. இருப்பினும் அதிமுகவிலிருந்து யாரையும் பங்கேற்க அனுமதி வழங்கப்படவில்லை என கூறப்படுகிறது.
திமுக சார்பில் சென்னை உட்பட அனைத்து மாவட்ட தலைநகரங்களிலும் இன்று ஜல்லிக்கட்டு ஆதரவு போராட்டங்கள், தர்ணாங்கள் நடைபெற்றது குறிப்பிடத்தக்கது.
Click it and Unblock the Notifications
Sign in with Google