தகுதி நீக்கம் செய்யப்பட்ட எம்எல்ஏ ரெங்கசாமிக்கு நெஞ்சுவலி.. தஞ்சை மருத்துவமனையில் அனுமதி

தஞ்சை: தகுதி நீக்கம் செய்யப்பட்ட அதிமுக எம்எல்ஏ எம்.ரெங்கசாமிக்கு நெஞ்சுவலி ஏற்பட்டதையடுத்து அவர் மருத்துவமனையில் சிகிச்சைக்காக சேர்க்கப்பட்டுள்ளார்.

தஞ்சாவூர் தொகுதி எம்எல்ஏ, எம்.ரெங்கசாமி, டிடிவி தினகரன் ஆதரவாக செயல்பட்டதாலும், எடப்பாடி பழனிச்சாமி மீது நம்பிக்கையில்லை என ஆளுநரிடம் புகார் அளித்ததாலும், சபாநாயகர் தனபாலால் மேலும் 17 பேருடன், தகுதி நீக்கத்திற்கு உள்ளாகியுள்ளதில் ஒருவராகும்.

தகுதி நீக்கத்தை எதிர்த்து 18 எம்எல்ஏக்கள் தாக்கல் செய்த வழக்கு 3வது நீதிபதியால் விசாரிக்கப்பட உள்ளது. இந்த நிலையில், ரெங்கசாமிக்கு இன்று திடீரென நெஞ்சுவலி ஏற்பட்டது. இதையடுத்து, தஞ்சை தனியார் மருத்துவமனையில் ரெங்கசாமி அனுமதிக்கப்பட்டுள்ளார். அவரது ஆதரவாளர்கள் மருத்துவமனையில் குவிந்துள்ளனர்.

English summary

AIADMK disqualified MLA M. Rengasamy is admitted to the hospital after he complained of chest pain.