ஜெயலலிதா, நாஞ்சில் சம்பத், விந்தியா, ஆர்த்தி, செந்தில்: அதிமுக நட்சத்திர பேச்சாளர் பட்டியல் வெளியீடு
சென்னை: தமிழக சட்டசபைத் தேர்தலையொட்டி, அதிமுக தங்களது கட்சி சார்பில் பிரச்சாரத்தில் ஈடுபடும் நட்சத்திர பேச்சாளர் பட்டியலை தேர்தல் ஆணையத்திடம் அளித்துள்ளது.
தமிழகத்தில் அடுத்தமாதம் 16ம் தேதி சட்டசபைத் தேர்தல் நடைபெற உள்ளது. இந்தத் தேர்தலில் ஒவ்வொரு கட்சியும், தங்களது கட்சி சார்பாக பிரச்சாரத்தில் ஈடுபடுத்த இருக்கும் நட்சத்திர பேச்சாளர்கள் பற்றிய பட்டியலை வேட்புமனுத் தாக்கல் தொடங்கிய 7 நாட்களுக்குள் அளிக்க வேண்டும் என தேர்தல் ஆணையம் அறிவுறுத்தியிருந்தது. இந்த நட்சத்திர பேச்சாளர்களின் பிரசார செலவுகள் கட்சியின் கணக்கில் சேர்க்கப்படும்.
அதன்படி, அதிமுக நட்சத்திர பேச்சாளர் பட்டியல் இன்று தேர்தல் ஆணையத்திடம் அளிக்கப்பட்டது.
அதில், தமிழக முதல்வரும் அதிமுக பொதுச்செயலாளருமான ஜெயலலிதா, துணை கொள்கைப் பரப்புச் செயலாளர் பதவியைவிட்டு நீக்கப்பட்ட நாஞ்சில் சம்பத், நடிகைகள் விந்தியா, ஆர்த்தி போன்றோரின் பெயர்கள் இடம் பெற்றுள்ளன.
அதிமுக நட்சத்திர பேச்சாளர்களின் முழு பட்டியல் விவரமாவது:-
ஜெயலலிதா, மு.தம்பிதுரை, ஆர்.வைத்தியலிங்கம், எடப்பாடி கே.பழனிச்சாமி, பி.மகாலிங்கம், டாக்டர் பி.வேணுகோபால், ஏ.அன்வர் ராஜா, பி.குமார், எஸ்.ஆர்.விஜயகுமார், விஜிலா சந்த்தியானந்த், எஸ்.ஆர்.பாலசுப்பிரமணியன், நாஞ்சில் சம்பத், என்.செல்வராஜ், நடிகர் ராமராஜன், பு.தா.இளங்கோவன், திரைப்பட இயக்குநர் ஆர்.வி.உதயகுமார், கவிஞர் முத்துலிங்கம், நடிகர் ஆனந்தராஜ், நடிகர் குண்டுகல்யாணம், நடிகர் செந்தில், நடிகை டி.கே.கலா, நடிகை விந்தியா, திரைப்பட இயக்குநர் லியாகத் அலிகான்.
நடிகர் பொன்னம்பலம், நடிகர் எம்.எஸ்.அருள்மணி, நடிகர் கே.ஆர்.சிங்கமுத்து, நடிகர் வையாபுரி, நடிகர் தியாகு, திரைப்பட இயக்குநர் பி.சி.அன்பழகன், நடிகர் ஆர்.சுந்தரராஜன், நடிகர் ஏ.கே.ராஜேந்திரன், நடிகர் அணுமோகன், இயக்குநர் ஷக்தி சிதம்பரம், நடிகர் மனோபாலா, நடிகை வென்னிறாடை நிர்மலா, நடிகை ஆர்த்தி, நிர்மலா பெரியசாமி, பாத்திமா பாபு.