'அதிமுக நடிகர்கள் யாரும் நடிகர் சங்க தேர்தலில் போட்டியிடக் கூடாது.. எந்த அணியுடனும் சேரக் கூடாது!'

நடிகர் சங்கத் தேர்தலில் அதிமுகவில் உள்ள நடிகர்கள் யாரும் போட்டியிடவோ, போட்டியிடும் அணிகளுக்கு வெளிப்படையான ஆதரவு தரவோ கூடாது என அக்கட்சியின் தலைமை அறிவித்துள்ளது.

வரும் அக்டோபர் 18-ம் தேதி நடக்கும் நடிகர் சங்கத் தேர்தலில் இப்போதைய நிர்வாகிகள் சரத்குமார், ராதாரவி தலைமையில் ஒரு அணியும், விஷால் தலைமையில் ஒரு அணியும் போட்டியிடுகின்றனர்.

இந்த நிலையில் அதிமுக தலைமை ஒரு உத்தரவு பிறப்பித்துள்ளது.

அதிமுகவில் உள்ள நடிகர் நடிகைகள் யாரும் நடிகர் சங்கத் தேர்தலில் போட்டியிடக் கூடாது என்றும், போட்டியிடும் எந்த அணிக்காகவும் பிரச்சாரம் செய்யவோ, வெளிப்படையான ஆதரவு தரவோ கூடாது என்றும் அக்கட்சி தலைமைக் கழகம் அறிவித்துள்ளது.

அதே நேரம், நடிகர் சங்கத் தேர்தலில் கலந்து கொண்டு வாக்களிக்க எந்தத் தடையும் இல்லை என்று கூறப்பட்டுள்ளது.

English summary

The AIADMK high command ordered actors who are in the party, neither to contest in Nadigar Sangam election nor support any team.