ரஜினி கிடையாதா.. அஜித்தான் தென் இந்தியாவின் சூப்பர் ஸ்டார்.. பாலிவுட் நடிகர் பளீர் பேட்டி

சென்னை: நடிகர் அஜீத்தை தென்னிந்தியாவின் சூப்பர் ஸ்டார் என்று புகழ்ந்துள்ளார் பாலிவுட் முன்னணி நடிகர் விவேக் ஓபராய்.

நடிகர் அஜீத்தை வைத்து சிவா இயக்கி வரும் திரைப்படம் 'விவேகம்'. இந்தப் படத்தின் கதாநாயகியாக காஜல் அகர்வால் நடித்துள்ளார். படத்தில் அக்ஷராஹாசன், விவேக் ஓபராய் உட்பட பலர் நடிக்கின்றனர். இத்திரைப்படம் ஆகஸ்ட் 10ம் தேதி வெளியாகவுள்ளது.

இந்நிலையில், விவேக் ஓபராய், ஐஏஎன்எஸ் செய்தி நிறுவனத்துக்கு அளித்த பேட்டியில் அஜித்தை தென் இந்திய சூப்பர் ஸ்டார் என தெரிவித்துள்ளார்.

நான், நேரடியாக முதல்முறையாக ஒரு தமிழ் படத்தில் நடித்துள்ளேன். படத்தின் பெயர் 'விவேகம்'. இந்தப் படத்தில் தென்னிந்தியாவின் சூப்பர் ஸ்டார் அஜித்துடன் இணைந்து நடித்துள்ளேன். முழு படப்பிடிப்பும் ஐரோப்பாவில் நடைபெற்றுள்ளது. படத்தை 120 கோடி ரூபாய் செலவில் மிகப் பிரமாண்டமாக தயாரித்துள்ளனர் என்று கூறியுள்ளார்.

தென்இந்தியாவின் சூப்பர் ஸ்டார் ரஜினிகாந்த் என கூறப்படும் நிலையில் விவேக் ஓபராய் இவ்வாறு கூறியுள்ளது குறிப்பிடத்தக்கது. மேலும், விவேகம் படத்தின் டீசர் பெரும் சாதனை படைத்துள்ள நிலையில் இவ்வாறு ஓபராய் கூறியுள்ளது கவனிக்கத்தக்கது.

English summary

"I am shooting for my first Tamil film, it's called 'Vivegam' with Ajith Kumar, who's a superstar in the South. It's a huge Rs. 120 crore film which we have shot all over Europe," Vivek Oberoi was quoted by a news agency as saying.