கடைசி வரை வாக்களிக்க வராத அஜீத்!

சென்னை: நடிகர் சங்கத் தேர்தலில் வாக்களிக்க இதோ வந்துவிட்டார்.. அதோ வந்துவிட்டார் என்று அவ்வப்போது பரபரப்பு கிளப்பிய அஜீத், கடைசி வரை வாக்களிக்க வரவே இல்லை.

காலை 7 மணிக்கு ஆரம்பித்த நடிகர் சங்கத் தேர்தல் வாக்குப்பதிவு மாலை 5 மணி வரை நடைபெற்றது. பெரும் பரபரப்பும் உணர்ச்சிமயமான காட்சிகளும் நிறைந்ததாக இருந்த இந்த தேர்தலில், காலையிலேயே வந்து வாக்களித்துவிட்டுச் சென்றுவிட்டனர் ரஜினி, கமல், விஜய் உள்ளிட்டோர்.

மாலை 5 மணி வரை நடைபெற்ற இந்த வாக்குப்பதிவில் 2607 வாக்குகள் பதிவாகின. இதில் மிகவும் எதிர்பார்க்கப்பட்ட அஜித் வாக்களிக்க வரவில்லை.

அவ்வப்போது அவர் வாக்களிக்க வரப்போவதாகக் கூறப்பட்டது. இதனால் திடீர் சலசலப்பு ஏற்படும். ஆனால் கடைசிவரை அவர் வரவே இல்லை.

சில தினங்களுக்குமுன் அஜித்துக்கு வேதாளம் படப்பிடிப்பின் போது காலில் அடிப்பட்டது. இதற்காக தீவிர சிகிச்சைப் பெற்று வருகிறார். இந்நிலையில் பயணம் செய்யக்கூடாது என்று மருத்துவரின் ஆலோசனைப்படி வாக்களிக்க வரவில்லை என்று கூறப்பட்டது.

English summary

Actor Ajith has not casted his vote in Nadigar Sangam Election due to his health reason.