மதுரையில் மே 4-ல் அமித்ஷா பிரசாரம்

மதுரை: பாஜகவின் தேசியத் தலைவர் அமித்ஷா வரும் மே 4-ந் தேதி மதுரையில் பிரசாரம் மேற்கொள்வார் என்று மத்திய இணை அமைச்சர் பொன்.ராதாகிருஷ்ணன் தெரிவித்துள்ளார்.

மதுரை தெற்கு தொகுதி பாஜக வேட்பாளர் ஏ.ஆர்.மகாலட்சுமியை ஆதரித்து பிரசாரத்தில் ஈடுபட்ட அவர் செய்தியாளர்களிடம் கூறியதாவது:

பாஜக வேட்பாளர்களை ஆதரித்து பிரகாஷ் ஜவடேகர், நிர்மலா சீதாராமன் உள்ளிட்டோர் தமிழகத்தில் பிரசாரத்தில் ஈடுபட்டுள்ளனர். மே 1-ந் தேதி வெங்கய்யா நாயுடு பிரசாரம் செய்வார்.

மே 4-ந் தேதி பாஜகவின் அகில இந்திய தலைவர் அமித்ஷா மதுரை, கன்னியாகுமரி உள்ளிட்ட இடங்களில் பிரசாரம் மேற்கொள்கிறார். தமிழகத்தில் பாஜக வேட்பாளர்களை ஆதரித்து மே 6 மற்றும் 8-ந் தேதிகளில் பிரதமர் நரேந்திர மோடி பிரசாரத்தில் ஈடுபடுவார்.

இவ்வாறு பொன். ராதாகிருஷ்ணன் கூறினார்.

English summary

BJP president Amit Shah will campaign for party candidates in Madurai on May 4.