சிதம்பரம் நடராஜ பெருமாளை தரிசித்த பாஜக தலைவர் அமித் ஷா

சிதம்பரம்: பாஜக தலைவர் அமித் ஷா சிதம்பரம் நடராஜர் கோவிலில் சாமி தரிசனம் செய்தார்.

பாஜக தேசிய தலைவர் அமித் ஷா டெல்லியில் இருந்து விமானம் மூலம் நேற்று இரவு சென்னை வந்தார். அங்குள்ள ஹோட்டல் ஒன்றில் தங்கி இரவு பொழுதை கழித்தார். பின்னர் இன்று காலை கார் மூலம் திண்டிவனம் வழியாக சிதம்பரம் சென்றார்.

சிதம்பரம் நடராஜர் கோவிலுக்கு சென்ற அமித் ஷாவை கோவில் தீட்சிதர்கள் கும்ப மரியாதை செய்து வரவேற்றனர். பின்னர், கோவிலுக்குள் சென்ற அவர் நடராஜர், கோவிந்தராஜபெருமாள் சன்னதிகளில் பயபக்தியுடன் சாமி தரிசனம் செய்தார்.

தொடர்ந்து கோவிலை முழுமையாக வலம்வந்து அம்பாள், தாயார் சன்னதிகளிலும் சாமி தரிசனம் செய்தார். கோவிலில் நடைபெறும் உற்சவ விபரங்களை தீட்சிதர்கள் அவரிடம் தெரிவித்தனர்.

அமித் ஷாவுடன் பாஜக நிர்வாகிகளும் வந்திருந்தனர். கோவிலில் இருந்து அமித் ஷா கார் மூலம் புதுச்சேரி புறப்பட்டு சென்றார்.

English summary

BJP leader Amit Shah has visited Natarajar temple in Chidambaram on tuesday.