ஜெ. முதல்வரானதை கொண்டாட அம்மா கேண்டீனில் 3 நேரமும் 'இலவச உணவு'!

சென்னை: தமிழக முதல்வராக ஜெயலலிதா மீண்டும் பதவியேற்றதை முன்னிட்டு சென்னையில் உள்ள அனைத்து அம்மா உணவகங்களிலும் 3 நேர்ம உணவு இலவசமாக வழங்கப்பட்டு வருகிறது.

ஜெயலலிதா 5வது முறையாக தமிழக முதல்வராக பதவியேற்றதை அண்ணா திமுகவினர் பல்வேறு வழிவகைகளில் கொண்டாடுகின்றனர்.

இதன் ஒரு பகுதியாக சென்னை அம்மா உணவகங்களில் இன்று 3 நேரமும் இலவசமாக உணவு வழங்கப்படும் என்று சென்னை மேயர் சைதை துரைசாமி தெரிவித்துள்ளார். மேலும் இதற்கான செலவுகள் முழுவதையும் தாமே ஏற்றுக்கொள்வதாகவும் அவர் கூறியுள்ளார்.

சென்னை மாநகராட்சியில் மட்டும் 207 அம்மா உணவகங்களில் மலிவான விலையில் உணவு வழங்கப்பட்டு வருகிறது என்பது குறிப்பிடத்தக்கது.

English summary

The Chennai Mayor Saidai Duraiswamy has arranged to provide free food in Amma canteens on today.