அமோக விற்பனையில் “அம்மா” சிமெண்ட் – 2 மாதத்தில் 25 லட்சம் மூட்டைகள் விற்பனை

சென்னை: தமிழகத்தில் அம்மா சிமெண்ட் 2 மாதத்தில் 25 லட்சம் மூட்டைகள் விற்பனையாகி உள்ளதாக அதன் நிர்வாக இயக்குனர் சி.காமராஜ் தெரிவித்துள்ளார்.

இது தொடர்பாக அம்மா சிமெண்ட் நிர்வாக இயக்குநர் காமராஜ் கூறியதாவது:

அம்மா சிமெண்ட் விற்பனை கடந்த ஜனவரி மாதம் 5 ஆம் தேதி தமிழகத்தில் தொடங்கப்பட்டது. 50 கிலோ எடை கொண்ட அம்மா சிமெண்ட் ரூபாய் 190க்கு விற்பனை செய்யப்படுகிறது. தனியார் சிமெண்ட் விலையுடன் ஒப்பிடுகையில் "அம்மா" சிமெண்ட் விலை ரூபாய் 210 குறைவு ஆகும்.

விற்பனை தொடங்கிய 2 மாதத்தில் 24 லட்சத்து 99 ஆயிரத்து 500 மூட்டைகள் விற்பனையாகி உள்ளது. பொதுமக்கள் மத்தியில் அம்மா சிமெண்ட் அமோக ஆதரவு இருந்து வருகிறது.

எனவே 3 லட்சம் சிமெண்ட் மூட்டைகள் எப்போதும் குடோன்களில் தயார் நிலையில் வைக்கப்பட்டுள்ளது.

இவ்வாறு காமராஜ் கூறினார்.

English summary

Chennai AMMA cements director says that the government cement sold for 25 lakhs of packs.