கருணாநிதிக்கு அமுல் கொடுத்த மரியாதை!

சென்னை: அமுல் நிறுவனம் திமுக தலைவர் கருணாநிதியை தமிழ் தலைவர் என குறிப்பிட்டு கார்ட்டூன் வெளியிட்டுள்ளது.

கருணாநிதி தனது 94வது வயதில் மறைந்தார். 11 நாட்கள் சிகிச்சைக்கு பிறகு நேற்று முன்தினம், காவேரி மருத்துவமனையில் அவர் உயிர் பிரிந்தது. இதையடுத்து முழு அரசு மரியாதையுடன், அண்ணா சமாதி அருகே, நேற்று கருணாநிதி உடல் நல்லடக்கம் செய்யப்பட்டது.

நாடே கருணாநிதி மறைவுக்காக துக்கம் அனுசரிக்கிறது. இந்த நிலையில், குஜராத்தின் பொதுத்துறை நிறுவனமான அமுல், 'தி தமிழ் தலைவர்' என குறிப்பிட்டு கார்ட்டூன் வெளியிட்டுள்ளது. அந்த நிறுவனத்தின் டிரேட் மார்க் சிறுமி, கருணாநிதியுடன் கை குலுக்குவது போன்ற இந்த புகைப்படம் ட்விட்டரிலும் ஷேர் செய்யப்பட்டுள்ளது.

#Amul Topical: Tribute to a great writer and politician... pic.twitter.com/jOzpJ1djBY

— Amul.coop (@Amul_Coop) August 8, 2018

The என்ற வார்த்தையை குறிப்பிட்டுள்ளதன் மூலம், தமிழுக்கான ஒரே தலைவர் என பொருள்படும்வகையில் இந்த கார்ட்டூனை அமுல் வெளியிட்டுள்ளது.

இந்த படம் நெட்டிசன்களால் அதிக அளவில் ஷேர் செய்யப்பட்டு வருகிறது.

English summary

Amul tribute to Karunanidhi by releasing a cartoon, it says, The Tamil Thalaivar.