• search
For Quick Alerts
ALLOW NOTIFICATIONS  
For Daily Alerts

பூவரசன்கொளத்துலருந்து பொன்னாத்தா பேசுறேன்யா... ஏஞ்சாபம் ஒங்கள சும்மா விடாது!

By Shankar
|

எங்க நாட்டு ராசாவே

நான்

பூவரசன்கொளத்துலருந்து

பொன்னாத்தா பேசுறேன்யா...

என்னய்யா...

செய்யச் சொல்றீக....

எங்களை

என்னய்யா...

செய்யச் சொல்றீக....

An ordinary citizen's curse on Demonitisation

எல்லாத்துக்கும்

கட்டாய

அக்கவுண்டு.

வெத்தல பாக்கு வாங்க

டெபிட் கார்டு.

வெளக்கு வைக்க

எண்ணெய் வாங்க

கிரெடிட் கார்டு.

டவுண் பஸ்ல

பேத்தி வீட்டுக்கு போக

ஆன்லைன் பேங்கிங்.

சுடுகாட்டுக்கு போறப்போ

ஐஎப்எஸ்சி நம்பர்...

வயித்துப்பசிக்கு

கே.எப்.சி.

காப்பித்தண்ணிக்கு

காபி டே.

கார்டை தூக்கிக்கிட்டு

எங்களை

கடை கடையா

போகச் சொல்றீயளா?

கீரைக்காரம்மாவும்

பால்காரம்மாவும்

பழைய இரும்புத்தவரத்துக்கு

பேரிச்சம்பழம் விற்கிறவரும்

உழைச்ச காச

ஓடோடிப்போயி

பேங்க்ல போட்ரணும்னு

சொல்றீக...

திரும்பக் கேட்டா

கணக்கு வச்சி தர்றீக

காத்திருக்கச் சொல்றீக

நாத்து நட்டதுக்கும்

களை பறிச்சதுக்கும்

அஞ்சாறு ஆடு வளத்து

புழுக்க சேர்த்து

உரமா அதை அள்ளி

புஞ்சைக்கும் நஞ்சைக்கும்

போட்ட ரூவா

எம்புட்டுன்னு

நாட்டுக்கு கணக்கு

சொல்லியே ஆகணும்ங்றீ்க

சுருக்குப் பைக்குள்ளயோ

பக்கரைக்குள்ளயோ

அரிசிப் பானைக்குள்ளயோ

அலமாரிலயோ

முந்தானையிலயோ

அண்ட்ராயருக்குள்ளயோ

அந்த கார்டு, இந்த கார்டு

ஆதார் கார்டுன்னு

50 கார்டை பத்திரப்படுத்த

பழகிக்க சொல்றீக

வெள்ளியிலயும்

தங்கத்திலயும்

பேர் எழுதுன

இலட்ச ரூவா சட்டை

நாளுக்கொண்ணு போட்டுக்கிட்டு

100 ரூவாயயும்

200 ரூவாயயும்

நாட்டுக்காக விட்டுக்கொடுங்கன்னு

கேக்குறீக...

100 பேருக்காக

120 கோடி பேரும்

100 நாட்கள்

பொறுத்துக்கங்கன்னு

பொறுப்பா சொல்றீக

உங்களுக்கும்

நாட்டுப்பற்று

இருக்குன்னு காட்டிப்புடணும்னு

சொல்றீக.

கறுப்புப்பணம்

பச்சைப்பணம்

மஞ்சைப்பணம்

சிவப்புப்பணம்

வானவில் கலர் பணம்

எல்லாத்தையும்

நாங்க மீட்டே தீருவோம்னு

நம்பிக்கையா சொல்றீக

நம்பச்சொல்றீக

ஆனா...

ஒண்ணே ஒண்ணு

நாங் கொஞ்சம் கொஞ்சமா

குருவி மாதிரி சேர்த்து வச்சிருக்கிற

வெள்ளைப்பணம் பூராத்தையும்

கேள்வி கேக்காம

பேங்க்ல கட்டிரணும்னு சொன்னீக...

கட்டிட்டேன் சாமீ.

அஞ்சும் பத்துமா சேத்ததுக்கு

அக்கவுண்ட் எதுக்கு?

ஆதாரந்தான் எதுக்கய்யா?

இன்கம்னா என்னன்னே

தெரியாத எங்ககிட்ட

டேக்சு பத்தி பேசுறீய

மாற்றம்

முன்னேற்றம்னு

செராக்ஸ் கடைக்கு

அலையவச்சே

எங்களை செக்கிழுத்த

செம்மல் ஆக்கிட்டீக.

நல்லா இருப்பீக...

இனிமே என்னத்தையும்

கேட்ராதீக...

கடைசிக் காலத்துல

காடு கரையிலயோ

வாய்க்கா வரப்பிலயோ

வீட்டுத் திண்ணையிலயோ

வசதியா கால் நீட்டி

சாஞ்சி கெடக்கிறப்போ

போக வேண்டிய உசுர

பேங்க் வாசல்ல

போக வச்சிராதீய.

இந்த கட்ட வேகாது.

ஏஞ் சாபம் ஒங்கள

சும்மா விடாது!

- முருகன் மந்திரம்

திரைப்பட பாடலாசிரியர்

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

 
 
 
English summary
An ordinary citizen's curse on PM Modi and his Demonitisation
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more