விஜய் டெலிவிஷன் அவார்ட்ஸில் அசத்தல் நடனம் ஆடிய ஆனந்தபாபு!

Posted By: Jaya chitra
Subscribe to Oneindia Tamil
      அசத்தல் நடனம் ஆடிய ஆனந்தபாபு-வீடியோ

      சென்னை: விஜய் டெலிவிஷன் அவார்ட்ஸ் நிகழ்ச்சியில் தனது கலக்கலான நடனத்தால் பார்வையாளர்களை அசர வைத்தார் நடிகர் ஆனந்தபாபு.

      கடந்த நான்கு ஆண்டுகளாக விஜய் டிவி, தனது சேனல் நட்சத்திரங்களைப் பாராட்டி, கவுரவிக்கும் விதமாக 'விஜய் டெலிவிஷன் அவார்ட்ஸ்’ என்ற நிகழ்ச்சியை பிரம்மாண்டமாக நடத்தி வருகிறது. இதில், , நடிகர், நடிகைகளில் வண்ணமயமான கலைநிகழ்ச்சிகளோடு, சிறந்த நடிகை, சிறந்த நடிகர், ப்ரைட் ஆஃப் தி சேனல், ஃபேவரைட் மாமியார், ஃபேவரைட் கேம் ஷோ என்பது உட்பட பல விருதுகள் வழங்கப்படுகின்றன.

      அதன்படி, நான்காவது ஆண்டு 'விஜய் டெலிவிஷன் அவார்ட்ஸ்’ நிகழ்ச்சி சென்னையில் கடந்த 21-ம் தேதி நடைபெற்றது. இந்த நிகழ்ச்சி, கடந்த 6ம் தேதி மற்றும் 13ம் தேதி என இரண்டு கட்டங்களாக விஜய் டிவியில் ஒளிபரப்பானது.

      அதன்படி, நேற்று ஒளிபரப்பான நிகழ்ச்சியில் நடிகர் ஆனந்தபாபுவின் நடனம் அனைவரின் கைதட்டல்களையும் அள்ளியது.

      நடனத்திற்குப் பேர் போனவர்:

      நடனத்திற்குப் பேர் போனவர்:

      மறைந்த பழம்பெரும் நடிகர் நாகேஷின் மகனான ஆனந்தபாபு, தமிழ் சினிமாவில் தனது குணச்சித்திர நடிப்பு மற்றும் நடனத்தால் ஹீரோவாக வலம் வந்தவர். சினிமாவில் நடனம் என்றாலே கமல், பிரபுதேவா போன்று தனக்கென ஒரு பாணி அமைத்து புதுமையான முறையில் நடனமாடி ரசிகர்களை ஈர்த்தவர் இவர்.

      ஆதவன்:

      ஆதவன்:

      புது வசந்தம், சேரன்பாண்டியன், சிகரம், வானமே எல்லை உள்ளிட்ட வெற்றிப் படங்களில் நடித்தவர், சில ஆண்டுகள் திரைத்துறையில் இருந்து விலகி இருந்தார். பின்னர் நீண்ட இடைவெளிகுப் பின், கே.எஸ்.ரவிகுமாரின் இயக்கத்தில் சூர்யா நடித்த ஆதவன் படத்தில் முக்கியமான வேடத்தில் நடித்தார்.

      வித்தியாசமான வில்லன்:

      வித்தியாசமான வில்லன்:

      தற்போது விஜய் டிவியில் ஒளிபரப்பாகி வரும் மௌனராகம் சீரியலில் வித்தியாசமான வில்லன் வேடத்தில் ஆனந்தபாபு நடித்து வருகிறார். இந்தத் தொடருக்கும், இவரது நடிப்பிற்கும் மக்களிடையே நல்ல வரவேற்பு உள்ளது.

      நடன நிகழ்ச்சி:

      நடன நிகழ்ச்சி:

      இந்நிலையில் விஜய் டெலிவிஷன் நிகழ்ச்சி, நடனத்திற்குப் பேர் போன ஆனந்தபாபுவின் நடன நிகழ்ச்சி இல்லாமல் முழுமையடையுமா? ‘தி லெஜண்ட் இஸ் பேக்' என்ற டைட்டிலில் ஆனந்தபாபுவின் நடன நிகழ்ச்சி நடைபெற்றது.

      பாடல்களின் தொகுப்பு:

      பாடல்களின் தொகுப்பு:

      பிரபலமான தனது பாடல்களுக்கு தனது பாணியில் அவர் நடனமாடினார். பின்னர் பிரபுதேவாவைப் போன்று தேவி படப்பாடலுக்கு நடனமாடி கைத்தட்டல்களை அள்ளினார். நீண்டகால இடைவெளிக்குப் பின் அவரது துள்ளலான நடனத்தைக் கண்டு பார்வையாளர்கள் கைதட்டி மகிழ்ந்தனர். அந்த நிகழ்ச்சியைப் பார்த்தபோது நிச்சயமான அனைவரது மனதிலும் இந்த வார்த்தைகள் தான் ஓடியிருக்கும், ‘எஸ்... தி லெஜண்ட் இஸ் பேக்'!

      வாழ்க்கைத் துணையை தேடுகிறீர்களா? தமிழ் மேட்ரிமோனியில் - பதிவு இலவசம்!

      English summary
      The Veteran actor Nages's son actor Anand Babu had given a amazing dance performance in Vijay TV's award function.

      நாள் முழுவதும் oneindia
      செய்திகளை உடனுக்குடன் பெற

      We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more