92 வயதில் க. அன்பழகன்... டிசம்பர் 19ம் தேதி கருணாநிதி தலைமையில் பொதுக்கூட்டம்

சென்னை: திமுக பொதுச் செயலாளர் க. அன்பழகனின் 92வது பிறந்த நாளை திமுக சார்பில் டிசம்பர் 19ம் தேதி சிறப்பாக கொண்டாடவுள்ளனர். இதையொட்டி சென்னையில் திமுக தலைவர் கருணாநிதி தலைமையில் பொதுக்கூட்டம் நடைபெறவுள்ளது.

திமுக மற்றும் திராவிட இயக்கத்தின் மூத்த முன்னோடிகளில் ஒருவர் பேராசிரியர் என்று திராவிட இயக்கத்தினரால் அன்புடன் அழைக்கப்படும் க. அன்பழகன். இவருக்கு டிசம்பர் 19ம் தேதி 92வது பிறந்த நாளாகும்.

இதையொட்டி திமுக தலைவர் கருணாநிதி தலைமையில் சென்னையில் பொதுக்கூட்டம் ஏற்பாடு செய்துள்ளனர். தங்கச்சாலை மணிக்கூண்டு அருகே மாலையில் இந்தக் கூட்டம் நடைபெறுகிறது. அதில் கருணாநிதி உள்ளிட்ட தலைவர்கள் கலந்து கொள்கின்றனர்.

மேலும் இன்றைய திமுக பொதுக்குழுக் கூட்ட முடிவுகளை விளக்கும் பொதுக்கூட்டமாகவும் அது பார்க்கப்படுவதால் இந்தக் கூட்டம் முக்கியத்துவம் பெற்றுள்ளது.

English summary

DMK general secretary Anbalagan's 92nd birth day to be clebrated with a public meeting in Chennai on Dec 19 under the leadership of DMK president Karunanidhi.