அன்பழகன் 92.. நேரில் சந்தித்து கருணாநிதி, மு.க.ஸ்டாலின் வாழ்த்து

Updated: Thursday, December 19, 2013, 16:22 [IST]

Subscribe to Oneindia Tamil

சென்னை: திமுக பொதுச் செயலாளர் க. அன்பழகனின் 92வது பிறந்த நாளையொட்டி அவரை கட்சித் தலைவர் கருணாநிதி, பொருளாளர் மு.க.ஸ்டாலின் உள்ளிட்ட தலைவர்கள் நேரில் சந்தித்து பொன்னாடை அணிவித்து வாழ்த்து தெரிவி்த்தனர்.

திராவிட இயக்கத்தின் முதுபெரும் தலைவர்களில் ஒருவரான அன்பழகன் இன்று தனது 92வது பிறந்த நாளை கொண்டாடினார். இதையொட்டி திமுக தலைவர்கள், பல்துறைப் பிரமுகர்கள் அவரை நேரில் சந்தித்து வாழ்த்து தெரிவித்து ஆசி பெற்றனர்.

இன்று காலையில், திமுக பொருளாளர் மு.க.ஸ்டாலின், முன்னாள் அமைச்சர்கள் மற்றும் பலர் அன்பழகனை அவரது வீட்டில் நேரில் சந்தித்து பொன்னாடை போர்த்தி வாழ்த்து தெரிவித்தனர்.

இதேபோல திமுக தலைவர் கருணாநிதியும் அன்பழகனை அவரது வீட்டிற்கு சென்று வாழ்த்து தெரிவித்தார். அன்பழகனுக்கு ரோஜாப்பூ மாலை அணிவித்தும் மகிழ்ந்தார் கருணாநிதி.