ஒரே ரியர் கேமராவுடன் வெளியாகிறது.. லீக்கான 'ஐ போன் 9' மாடல் போட்டோ!
சென்னை: இந்த ஆண்டு செப்டம்பர் மாதம் ஆப்பிள் நிறுவனம் ஐ போன் 9 புதிய மாடலை வெளியிடுவதற்கு முன்பே அந்த போனின் புகைப்படத்தை ஜிக்மோசீனா என்ற நிறுவனம் வெளியிட்டுள்ளது.
உலகில் விலை மதிப்பு மிக்க போன்களில் ஆப்பிள் போனும் ஒன்று. ஆப்பிள் போனை பயன்படுத்துவது ஒருவரின் கௌரவமாகவும் ஆகிவிட்டது. இப்படியான ஆப்பிள் போனின் ஒவ்வொரு புதிய வெளியீடும் மொபைல் போன் பயன்பாட்டாளர்களிடையே எதிர்பார்ப்பை ஏற்படுத்தும்.
அந்த வகையில், இந்த ஆண்டு செப்டம்பர் மாதம் ஆப்பிள் நிறுவனம் ஐ போன் 9 புதிய மாடலை வெளியிட இருந்தது. இந்த அறிவிப்பு மொபைல் போன் பயன்படுத்துபவர்களிடையே எதிர்பார்ப்பை உருவாக்கியிருந்தது. இந்நிலையில் ஜிக்மோசீனா நிறுவனம் 'ஐபோன் 9' மாடலின் புகைப்படத்தை வெளியிட்டுள்ளது. மேலும், இந்த போன், பின்பக்கம் ஒரு கேமிரா கொண்டுள்ளது. 6.1 அங்குலம் எல்சிடி டிஸ்பிளே அளவு உள்ளது. விலை 600 டாலராக இருக்கும் என்று குறிப்பிடப்பட்டுள்ளது.
ஐ போனின் 9 புதிய மாடல் வெளியாவதற்கு முன்பே, அந்த மாடல் பற்றி புகைப்பட வெளியாகும் என்பது எதிர்பார்க்கப்பட்டதுதான் என்றும் கூறப்படுகிறது.
ஐ போன் 9 மாடல் என்று வெளியாகியிருக்கும் புகைப்படத்தைப் போலத்தான் உண்மையில் வெளியாகப் போகும் ஐ போன் புதிய மாடல் இருக்குமா என்பதைப் பார்க்க ஐ போன் பயன்படுத்துபவர்கள் ஆவலாக உள்ளனர்.
#Apple #iPhone 9 Case render leaked again pic.twitter.com/jPHQP84CDs
— [email protected] (@TechNavvi) July 15, 2018
Click it and Unblock the Notifications
Sign in with Google