திமுகவிலிருந்து விலகினார் செ. அரங்கநாயகம்

Updated: Monday, February 10, 2014, 9:31 [IST]

Subscribe to Oneindia Tamil

சென்னை: மாஜி கல்வி அமைச்சரும், ஒரு காலத்தில் எம்.ஜி.ஆரின் தளபதிகளில் ஒருவராக விளங்கியவருமான செ. அரங்கநாயகம் திமுகவிலிருந்து விலகுவதாக தெரிவித்துள்ளார்.

எம்.ஜி.ஆர். அமைச்சர்களில் அரங்கநாயகமும் முக்கியமானவர். எம்.ஜி.ஆர். ஆட்சிக்காலத்தில் கல்வி அமைச்சராக இருந்தவர். எம்.ஜி.ஆர். மறைவுக்குப் பின்னர் முதலாவது ஜெயலலிதா அமைச்சரவையிலும் இவர் கல்வித்துறை அமைச்சராக இருந்துள்ளார்.

பின்னர் அதிமுகவில் ஓரம் கட்டப்பட்டார். இதனால் அதிமுகவை விட்டு கடந்த 2006ம் ஆண்டு விலகிய அரங்கநாயகம், திமுகவில் இணைந்தார்.

கோவை மாவட்டத்தைச் சேர்ந்த அரங்கநாயகம், கோவை மேற்கு, தொண்டாமுத்தூர் ஆகிய தொகுதிகளிலிருந்து நான்கு முறை சட்டசபைக்குத் தேர்ந்தெடுக்கப்பட்டவர் ஆவார்.

தற்போது திமுகவிலிருந்து விலகியுள்ளார் அரங்கநாயகம். அவர் மீண்டும் அதிமுகவுக்குத் திரும்புவாரா அல்லது வேறு கட்சி எதற்காவது போவாரா என்பது தெரியவில்லை.