ஒரு வக்கீல், ஒரு விவசாயி: அரியலூர் மாவட்ட அதிமுக வேட்பாளர்களின் விபரம்
சென்னை: அரியலூர் மாவட்டத்தில் அதிமுக சார்பில் மாவட்ட கவுன்சிலரான வழக்கறிஞர் கே.என். ராமஜெயலிங்கமும், விவசாயி தாமரை எஸ். ராஜேந்திரனும் போட்டியிடுகிறார்கள்.
தமிழக சட்டசபை தேர்தலுக்கான அதிமுக வேட்பாளர்கள் பட்டியல் திங்கட்கிழமை வெளியிடப்பட்டது. அரியலூர் மாவட்டத்தில் சீனியர்களான கே.என். ராமஜெயலிங்கம் மற்றும் தாமரை எஸ். ராஜேந்திரன் ஆகியோர் போட்டியிடுகிறார்கள்.
அவர்களின் வாழ்க்கைக் குறிப்பு:
கே.என். ராமஜெயலிங்கம்
ஜயங்கொண்டம் தொகுதியில் போட்டியிடும் 
கே.என்.ராமஜெயலிங்கம்(63) பி.ஏ., பி.எல். படித்தவர். 1977-79ம் ஆண்டு வரை சென்னை சட்டக் கல்லூரியில் படிக்கையில் மாணவர் அணி பொருளாளர், செயலாளர் ஆகிய பதவிகளை வகித்தவர். 1972-80 வரை ஜயங்கொண்டம் ஒன்றிய அவைத் தலைவராக இருந்தார்.
மேலும் பெரம்பலூர் மாவட்ட வழக்கறிஞர் பிரிவு செயலாளர், அரியலூர் மாவட்ட எம்.ஜி.ஆர். மன்ற செயலாளர் உள்ளிட்ட பதவிகளையும் வகித்துள்ளார். 2010ம் ஆண்டு முதல் தற்போது வரை ஜயங்கொண்டம் தொகுதி செயலாளராகவும், மாவட்ட கவுன்சிலராகவும் உள்ளார் அவர்.
தாமரை எஸ்.ராஜேந்திரன்
அரியலூர் தொகுதியில் போட்டியிடும் 
தாமரை எஸ்.ராஜேந்திரன் 1960ம் ஆண்டு பிறந்தவர். 56 வயதான அவர் ஒன்பதாம் வகுப்பு வரை படித்துள்ளார். விவசாயம் செய்து வரும் அவர் 1981ம் ஆண்டு அதிமுகவில் உறுப்பினர் ஆனார்.
2013ம் ஆண்டில் இருந்து அரியலூர் பால் உற்பத்தி கூட்டுறவு சங்க தலைவராகவும், கட்சியின் மாவட்ட செயலாளராகவும் உள்ள அவர் முன்னதாக தாமரைக்குளம் கிளைக்கழக செயலாளர் உள்ளிட்ட பல்வேறு பதவிகளை வகித்துள்ளார்.
Click it and Unblock the Notifications
Sign in with Google