கமல் - கெஜ்ரிவால் சந்திப்பு... வெறும் லஞ்ச் மட்டும்தானா?- ஆழ்வார்பேட்டையில் பரபரப்பு

சென்னையில் நடிகர் கமல்ஹாசனுடன் டெல்லி முதல்வர் அரவிந்த் கெஜ்ரிவால் பேசினார். ஆழ்வார்பேட்டையில் கமல் வீடு முன்பாக போலீஸ் குவிக்கப்பட்டுள்ளது.

By Mayura Akilan

Updated: Thursday, September 21, 2017, 16:52 [IST]

Subscribe to Oneindia Tamil

Recommended Video

கெஜ்ரிவால்-கமல் சந்திப்பு அரசியல் வட்டாரத்தில் பரபரப்பு-வீடியோ

சென்னை: ஆம் ஆத்மி கட்சியின் தலைவரும் டெல்லி முதல்வருமான அரவிந்த் கெஜ்ரிவால் நடிகர் கமலை அவரது ஆழ்வார்பேட்டை இல்லத்தில் சந்தித்து பேசினார். செய்தியாளர்கள், காவல்துறையினர் குவிந்துள்ளதால் ஆழ்வார்பேட்டை பரபரப்படைந்துள்ளது.

டிவிட்டரில் நடிகர் கமல் தொடர்ந்து, அரசியல் கருத்துகளை தெரிவித்து வருகிறார். அதிமுக ஆட்சியில் ஊழல் நடைபெற்றுவருவதாக கமல் ஹாசன் வெளிப்படையான குற்றச்சாட்டுகளை முன்வைத்து வருகிறார்.

மல் ஹாசன் விரைவில் அரசியல் கட்சி தொடங்கவும் வாய்ப்பிருப்பதாக ஊகம் எழுந்துள்ளது. கேரள முதல்வரை சந்திக்க சென்றபோது, தான் அம்மாநில அரசியலை கற்க வந்துள்ளதாக தெரிவித்தார் கமல்.

இந்த நிலையில்தான் டெல்லி முதல்வர் அரவிந்த் கெஜ்ரிவால் சென்னை வந்து நடிகர் கமலை சந்தித்துள்ளார்.

ஆழ்வார்பேட்டையில் லஞ்ச்

கமலை சந்திக்க டெல்லியில் இருந்து வந்துள்ள கெஜ்ரிவால் எளிமையாகவே காணப்பட்டார். இருவரின் சந்திப்பு தமிழக அரசியல் சூழ்நிலையில் பரபரப்பாகவே பேசப்படுகிறது. கமல் வீட்டில் லஞ்ச் மட்டும் சாப்பிடுவாரா அல்லது கட்சி லாஞ்ச் பற்றி பேசினார்களா என்பது ஆழ்வார்பேட்டை ஆண்டவருக்கே வெளிச்சம்.

ஊழல் எதிர்ப்பு

கமல் ஊழல் எதிர்ப்புக்கு குரல் கொடுத்து வருகிறார். தனது ட்விட்டர் பக்கத்தில் பதிவிட்டுள்ளார். ஊழல் எதிர்ப்பு போராட்டம் நடத்தி திடீரென கட்சி தொடங்கி டெல்லி முதல்வரானவர் அர்விந்த் கெஜ்ரிவால்.

கமல் நிலைப்பாடு என்ன?

கமலின் அரசியல் வருகையை பாஜக உள்ளிட்ட பல கட்சியினர் எதிர்த்து வருகின்றனர். இந்த நிலையில் பாஜக, காங்கிரஸ் கட்சி முதலைகளை டெல்லியில் எதிர்த்து போட்டியிட்டு வெற்றி பெற்று முதல்வரான கெஜ்ரிவாலை சந்தித்துள்ளார்.

கட்சியா கூட்டணியா

கமல் தனிக்கட்சி தொடங்கி கெஜ்ரிவாலின் ஆம் ஆத்மி கட்சியுடன் கூட்டணி அமைப்பாரா? அல்லது ஆம் ஆத்மி கட்சியின் தமிழக தலைவராக பொறுப்பேர்ப்பாரா என்பது பற்றி தகவல் எதுவும் வெளியாகவில்லை.

குவிந்த கூட்டம்

ஆழ்வார் பேட்டையில் கமல் வீடு முன்பாக செய்தியாளர்கள் குவிந்துள்ளனர். காவல்துறையினரின் பாதுகாப்பும் அதிகரிக்கப்பட்டுள்ளது. தமிழக அரசியல் அடுத்த பரபரப்பை நோக்கி நகரத் தொடங்கியுள்ளது.