2016 தேர்தலின் கதாநாயகன் கருணாநிதி- தமாகாவில் இருந்து விலகிய பீட்டர் அல்போன்ஸ்
சென்னை: 2016 சட்டசபை தேர்தலின் கதாநாயகனே திமுக தலைவர் கருணாநிதிதான் என்று தமாகாவில் இருந்து விலகிய மூத்த தலைவர் பீட்டர் அல்போன்ஸ் தெரிவித்துள்ளார்.
தமாகா- மக்கள் நலக் கூட்டணியை ஏற்க மறுத்து அக்கட்சியில் இருந்து விலகிய பீட்டர் அல்போன்ஸ் சென்னையில் செய்தியாளர்களுக்கு இன்று அளித்த பேட்டி:
தமிழ் மாநில காங்கிரஸ் கட்சி அமைத்த கூட்டணி உகந்ததாக இல்லை. ஆகையால் அந்த கட்சியில் இருந்து நான் விலகிவிட்டேன்.
என்னைப் பொறுத்தவரையில் 2016 சட்டசபை தேர்தலில் கதாநாயகன் திமுக தலைவர் கருணாநிதிதான். தற்போது படிப்படியாக மதுவிலக்கை அமல்படுத்துவோம் என ஜெயலலிதா அறிவித்திருப்பது ஓட்டுக்காக மட்டுமே.
இவ்வாறு பீட்டர் அல்போன்ஸ் கூறினார்.
தமாகாவில் இருந்து விலகியுள்ள பீட்டர் அல்போன்ஸ், விரைவில் காங்கிரஸ் கட்சியில் இணைய உள்ளார். அவருக்கு நெல்லை மாவட்டத்தில் உள்ள தொகுதி ஒன்றில் போட்டியிட வாய்ப்பு வழங்கப்படக் கூடும் என கூறப்படுகிறது.
Click it and Unblock the Notifications
Sign in with Google