பெண் போலீசிடம் ஆபாசமாக பேசும் உதவி கமிஷனர்... வாட்ஸ் அப்பில் தீயாய் பரவும் ஆடியோ!

சென்னை: பெண் போலீஸ் ஒருவரிடம் உதவி கமிஷனர் ஆபாசமாக பேசுவது போன்ற ஆடியோ ஒன்று வாட்ஸ் அப்பில் வேகமாக பரவி வருகிறது.

சென்னை போலீஸ் உதவி கமிஷனர் ஒருவர், பெண் போலீசிடம் ஆபாசமாக பேசுவதாக அந்த ஆடியோ அமைந்துள்ளது. சம்பந்தப்பட்ட பெண் போலீசே இந்த ஆடியோவை வாட்ஸ் அப்பில் பரவ விட்டதாகக் கூறப்படுகிறது.

இதையடுத்து சம்பந்தப்பட்ட உதவி கமிஷனர் மீது துறை ரீதியாக நடவடிக்கை எடுப்பது உறுதியாகி விட்டது. இது தொடர்பாக உயர் போலீஸ் அதிகாரிகள் அவருக்கு விளக்கம் கேட்டு சம்மன் அனுப்ப உள்ளதாக தகவல்கள் தெரிவிக்கின்றன.

அதேசமயம், ஆபாசமாக பேசிய உதவி கமிஷனர் மீது சட்ட ரீதியான நடவடிக்கை எடுக்க முடியுமா? என்ற கேள்வியும் எழுந்து உள்ளது.

இது தொடர்பாக போலீஸ் அதிகாரி ஒருவரிடம் கேட்ட போது அவர் கூறியதாவது:-

சம்பந்தப்பட்ட பெண் போலீஸ் உதவி கமிஷனர் மீது புகார் செய்தால்தான் அவர் மீது தகுந்த நடவடிக்கை எடுக்கப்படும். ஆபாசமாக பேசுதல், பெண்கள் வன்கொடுமை தடுப்பு சட்டப்பிரிவு கீழ் உதவி கமிஷனர் மீது நடவடிக்கை எடுக்க முடியும்.

அதே நேரத்தில் பெண் போலீஸ் புகார் கொடுக்க வில்லை என்றாலும் வேறு மாதிரியான சட்ட நடவடிக்கை எடுப்பது பற்றியும் பரிசீலிக்கப்படும்' எனத் தெரிவித்துள்ளார்.

English summary

A audio of a telephone conversation between a police assistant commissioner and a woman police is circulated through Whats app has created tension. In the audio, the assistant commissioner was trying to harras the woman police