அழகிரி, ஸ்டாலின் 'அப்டேட்': அவர் சென்னையில்.. இவர் அந்தமானில்!

Updated: Thursday, October 17, 2013, 13:35 [IST]

Subscribe to Oneindia Tamil

சென்னை: முன்னாள் மத்திய அமைச்சரும், தென் மண்டல திமுக அமைப்புச் செயலாளருமான மு.க.அழகிரி சென்னையில் முகாமிட்டுள்ளார். அதேசமயம், அவரது தம்பியும், கட்சி பொருளாளருமான மு.க.ஸ்டாலின் அந்தமான் கிளம்பிச் சென்றுள்ளார்.

அமெரிக்கா போயிருந்த அழகிரி, 2 நாட்களுக்கு முன்புதான் சென்னைக்கு வந்தார். ஸ்டாலினோ இன்று அந்தமான் போயுள்ளார்.

ஒரு மாதம் அமெரிக்காவில் தங்கியிருந்தார் அழகிரி. ஆனால் தற்போது திடீரென அவர் கிளம்பி சென்னைக்கு வந்துள்ளார். அவரது வருகைக்கான காரணம் திமுகவில் பரபரப்பாக அலசப்படுகிறது.

டிசம்பர் மாதம் தி்முக பொதுக்குழு கூடவுள்ளது. அப்போது ஸ்டாலினுக்கு பட்டம் சூட்டப்படும் என்ற எதிர்பார்ப்பு உள்ளது. மேலும் கட்சியின் முக்கியப் பொறுப்புகளுக்கு புதியவர்கள் நியமிக்கப்படவுள்ளனர். அதாவது பொதுச் செயலாளர் பொறுப்புக்கு துரைமுருகன் வரவுள்ளதாக பரபரப்பு அடிபடுகிறது.

இந்த நிலையி்ல்தான் அழகிரி சென்னைக்கு வந்து உட்கார்ந்துள்ளார். அதேசமயம், அண்ணன் இங்கு வந்திருக்க தம்பி ஸ்டாலினோ அந்தமான் சென்றுள்ளார். காலையில் கிளம்பிச் சென்ற அவர் சில நாட்கள் தங்கி விட்டு வருகிறார். அவருடன் குடும்பத்தினரும் உடன் போயுள்ளனர்.