குஷ்பு விலக ஸ்டாலின் குடும்பம் காரணமா?: மு.க. அழகிரி விளக்கம்
சென்னை: திமுகவில் இருந்து நடிகை குஷ்பு விலக மு.க.ஸ்டாலின் குடும்பத்தினர்தான் காரணம் என்று தாம் கூறியதாக வெளியான செய்திகளை மு.க. அழகிரி மறுத்துள்ளார்.
நடிகை குஷ்பு அண்மையில் திமுகவை விட்டு வெளியேறினார். இதைத் தொடர்ந்து சில ஊடகங்களில், குஷ்பு விலக மு.க. ஸ்டாலின் குடும்பம் காரணம் என்று மு.க. அழகிரி கூறியதாக செய்தி வெளியானது.
ஆனால் இதை மு.க. அழகிரி மறுத்துள்ளார். இது தொடர்பாக மு.க. அழகிரி வெளியிட்டுள்ள அறிக்கை:
சென்னையில் ஒரு ஆங்கிலப் பத்திரிகையிலும் மாலை சென்னையிலும் மதுரையிலும் வந்த மாலைப் பத்திரிகையிலும் நான் சொன்னதாக ஒரு செய்தி வெளிவந்துள்ளது. அதை நான் மறுக்கிறேன்.
நடிகை குஷ்பு தி.மு.க.வில் இருந்து விலகுவதற்கு காரணம் மு.க. ஸ்டாலின் குடும்பம்தான் என்றும், நான் கூறாத செய்திகளை திரித்து வெளியிட்டுள்ளதை முற்றிலும் மறுக்கின்றேன்.
நான் அப்படிப்பட்ட பேட்டிகளை எந்தப் பத்திரிகையிலும் கொடுக்கவில்லை. இந்த செய்திகள் முற்றிலும் தவறானது.
இவ்வாறு அழகிரி கூறியுள்ளார்.
Click it and Unblock the Notifications
Sign in with Google