5 ஆதரவாளர்கள் மற்றும் மகனுடன் மு.க. அழகிரி ஹாங்காங் பயணம்

சென்னை: திமுகவின் தென் மண்டல அமைப்பு செயலாளர் மு.க.அழகிரி தனது ஆதரவாளர்களுடன் ஹாங்காங் சென்றுள்ளார்.

மதுரையில் ஒட்டப் பட்ட சுவரொட்டிகள் காரணமாக மதுரைவைத் திமுகவைக் கூண்டோடு கலைத்து உத்தவிட்டார் திமுக பொதுச்செயலாளர் க.அன்பழகன். மேலும், மன்னன் உட்பட அழகிரியின் ஆதரவாளர்கள் ஐந்து பேர் கட்சியிலிருந்து தற்காலிகமாக நீக்கப் பட்டனர்.

இதனிடையே, தனியார் தொலைக்காட்சி ஒன்றிற்கு பேட்டியளித்த மு.க.அழகிரி, திமுக கூட்டணியில் தேமுதிக இடம்பெற வாய்பில்லை என்பது போன்ற கருத்தை தெரிவித்தார். மு.க.அழகிரியின் கருத்துக்கு திமுக தலைவர் கருணாநிதி கண்டனம் தெரிவித்து அறிக்கை வெளியிட்டார்.

இதனைத்தொடர்ந்து சென்னை கோபாலபுரம் இல்லத்தில் கருணாநிதியை, அழகிரி இரண்டு முறை சந்தித்தார். தற்போது அழகிரி, தனது மகன் துரை தயாநிதி மற்றும் ஆதரவாளர்கள் ஐந்து பேருடன் இன்று காலை 3.15 மணி விமானம் மூலம் ஹாங்காங் புறப்பட்டு சென்றார்.

English summary

The DMK south zone organising sectretary M.K.Alagiri flies to Hongkong with his son and 5 loyal supporters.