திமுக வேட்பாளர் பட்டியல்.. சஸ்பெண்ட் ஆன மு.க.அழகிரிக்கு சீட் இல்லை!
சென்னை: திமுக சார்பில் மீண்டும் மதுரையில் போட்டியிடும் வாய்ப்பை இழந்திருக்கிறார் மு.க.அழகிரி.
திமுக தலைமையுடன் கூட்டணி தொடர்பாக மோதியதாலும், தேமுதிகவை பகிரங்கமாக விமர்சித்ததாலும், மு.க.ஸ்டாலின் மீது காட்டத்தைக் காட்டியதாலும் அவர் கட்சியை விட்டு சஸ்பெண்ட் செய்யப்பட்டார்.
கட்சியிலிருந்து நீக்கப்பட்ட காரணத்தால் மு.க.அழகிரிக்கு திமுக சார்பில் மீண்டும் எம்.பியாகும் வாய்ப்பு கிடைக்காமல் போய் விட்டது. அழகிரிக்கு சீட் இல்லை
பட்டவர்த்தனமாக பேசும் அழகிரி
அழகிரி பட்டவர்த்தனமாக, மனதில் பட்டதை அப்படியே பேசி விடும் வழக்கம் கொண்டவர். உள்ளொன்று வைத்து புறம் ஒன்று பேசத் தெரியாதவர். இதுவே அவருக்கு எதிரியாகி விட்டது.
விஜயகாந்த் மீது பாய்ச்சல்
விஜயகாந்த்தை கடந்த சட்டசபைத் தேர்தலின்போது திமுக கூட்டணிக்குக் கூட்டி வர முயன்றவர் அழகிரிதான். ஆனால் விஜயகாந்த் முறுக்கிக் கொண்டதால் விஜயகாந்த் மீது கோபத்தில் இருந்து வந்தார்.
தலைவரா இவர்..
இந்த நிலையில்தான் லோக்சபா தேர்தலில் தேமுதிகவை கூட்டணிக்குள் இழுக்க திமுக முயன்றபோது அதை கடுமையாக எதிர்த்தார் அழகிரி. வெளிப்படையாகவே, விஜயகாந்த்தெல்லாம் ஒரு தலைவரா, அவர் கட்சியா நடத்துகிறார் என்றெல்லாம் விமர்சித்தார்.
மு.க.ஸ்டாலின் மீதும் பாய்ச்சல்
இதுபோக மு.க.ஸ்டாலின் மீதும் தொடர்ந்து அவர் விமர்சனங்களை வைத்து வந்தார். எல்லாம் சேர்ந்து அழகிரிக்கு பாதகமாக அமைந்து விட்டது.
சஸ்பெண்ட்
இந்த நிலையில்தான் அழகிரி ஆதரவாளர்களை முதலில் கட்டம் கட்டிய திமுக தலைமை கடைசியில் அவரையும் சஸ்பெண்ட் செய்து விட்டது.
மதுரை போச்சே
கடந்த லோக்சபா தேர்தலில் மதுரை தொகுதியில் போட்டியிட்டு பெரும் வெற்றி பெற்றவர் அழகிரி. மார்க்சிஸ்ட் வேட்பாளர் மோகனை எதிர்த்து கடுமையாக போராடி நல்ல வெற்றியைப் பெற்றவர் அழகிரி. ஆனால் இந்த முறை அந்த வாய்ப்பை இழந்து விட்டார் அழகிரி.
Click it and Unblock the Notifications
Sign in with Google