பாகுபலி - 2 சூப்பரோ சூப்பர்...பார்ட் 3 எப்ப ரிலீஸ்? - உற்சாகத்தில் ரசிகர்கள் கேள்வி! - வீடியோ

சென்னை: பாகுபலி - 2 திரைப்படம் இன்று வெற்றிகரமாக வெளியாகி உள்ளது. படத்தைப் பார்த்து தியேட்டரை விட்டு வெளியே வரும் மக்கள் முகத்தில் உற்சாகமும் திருப்தியும் தெள்ளத் தெளிவாகத் தெரிகிறது.

இயக்குநர் ராஜமவுலி இயக்கத்தில் பிரபாஸ், அனுஷ்கா, ராணா, தமன்னா, சத்யராஜ், ரம்யா கிருஷ்ணன் உள்ளிட்டோர் நடித்துள்ள பாகுபலி - 2 படம் இன்று உலகம் முழுவதும் ரிலீஸாகியுள்ளது.

இந்தத் திரைப்படத்துக்கு உலகம் முழுதும் பெரிய எதிர்ப்பார்ப்பு இருந்தது. இதுவரை 10 லட்சம் டிக்கெட்டுகள் புக் ஆகியுள்ளதாகக் கூறப்படுகிறது. இப்படத்தின் நாயகன் பிரபாஸ் பல லட்சங்கள் செலவு செய்து உடற்பயிற்சி செய்து எடையை ஏற்றி யுள்ளார்.

இப்படத்தில் வரும் கட்டப்பா கேரக்டர் அதிகம் பேசப்பட்டது. கட்டப்பாவாக நடித்த சத்யராஜ், 9 வருடங்களுக்கு முன்பு காவிரி நதிநீர் பிரச்சனையில் பேசியதற்காக மன்னிப்பு கேட்க வேண்டும் என சர்ச்சையெல்லாம் எழுந்தபோதும் பாகுபலி -2 வெற்றிகரமாக இன்று வெளியானது.

இந்தப் படத்தைப் பார்த்து தியேட்டரை விட்டு வெளியே வரும் அனைத்து ரசிகர்களும் கோரஸாக கேட்கும் கேள்வி' படம் சூப்பரோ சூப்பர். பாகுபலி பார்ட் 3 எப்ப வரும்? ஆகமொத்தத்தில் பாகுபலி 2 ஆறிலிருந்து அறுபது வரை அனைவருக்கும் பிடித்தமான திரைப்படமாக உள்ளது.

English summary

Bagubali- 2 got very good reviews from all age group audience and everyone expection part 3 of bagubali.