"பொம்பளை".. டாக்டர் கிருஷ்ணசாமிக்கு பாலபாரதி கொடுத்த பொளேர் அடி!

சென்னை: தம்மை 'அந்த பொம்பளைய சட்டசபையில் பார்த்ததே இல்லை' என ஒருமையில் விமர்சித்த புதிய தமிழகம் கட்சியின் தலைவர் டாக்டர் கிருஷ்ணசாமிக்கு மார்க்சிஸ்ட் கட்சி முன்னாள் எம்.எல்.ஏ. பாலபாரதி கடுமையான பதிலடி தந்துள்ளார்.

நீட் காவு கொண்ட அனிதாவின் மரணம் உலகம் முழுவதும் தமிழர்களை உலுக்கியுள்ளது. ஆனால் டாக்டர் கிருஷ்ணசாமியோ அனிதாவின் மரணம் தொடர்பாக சர்ச்சை கருத்துகளை தெரிவித்து வருகிறார்.

உண்மையை சொன்ன பாலபாரதி

இதனால் அவருக்கு கடும் எதிர்ப்பு எழுந்துள்ளது. இந்த நிலையில் முன்னாள் எம்.எல்.ஏ. பாலபாரதி தம்முடைய ஃபேஸ்புக் பக்கத்தில், ஜெயலலிதாவின் பரிந்துரையால் போதுமான மதிப்பெண் பெறாத டாக்டர் கிருஷ்ணசாமியின் மகளுக்கு மெடிக்கல் சீட் கிடைத்தது என்கிற உண்மையை போட்டு உடைத்தார்.

அந்த பொம்பளைய என விமர்சனம்

இது சமூக வலைதளங்களில் வைரலாக பரவியது. இது தொடர்பாக கருத்து தெரிவித்த டாக்டர் கிருஷ்ணசாமி, அந்த பொம்பளைய நான் சட்டசபையில் பார்த்ததே கிடையாது என ஒருமையில் விமர்சித்தார்.

கடும் விமர்சனம்

இதற்கும் மிகக் கடுமையான எதிர்ப்பு சமூக வலைதளங்களில் பதிவிடப்படுகிறது. தற்போது கிருஷ்ணசாமியின் இந்த ஒருமை விமர்சனத்துக்கு பாலபாரதியே ஃபேஸ்புக்கில் பதிலடி தந்துள்ளார்.

பாலபாரதி பதிலடி

இது தொடர்பாக பாலபாரதி பதிவிட்டுள்ளதாவது:

உன்னை பெற்றது யார்?
உன் துணையாக வந்தது யார்?
நீ பெற்றது யாரை?
யாருக்காக ஷீட் கேட்டாய்?
யாரிடம் கேட்டாய்?
எல்லா கேள்விகளுக்கும் ஒரே பதில் டாக்டர்கிருஷ்ணசாமி
"பொம்பளை!

English summary

Ex CPM MLA Bala Bharathi slammed Puthiya Thamizhagam Leader Dr Krishnaswamy on death of Anitha.