கட்சி ஆரம்பித்தார் பாஸ் என்கிற பாஸ்கரன்.. பெயர் என்ன தெரியுமா??

சென்னை: தமிழகத்தில் மீண்டும் ஒரு கட்சி உதயமாகியுள்ளது. அதை டிடிவி தினகரனின் தம்பி பாஸ்கரன் தொடங்கி வைத்தார்.

சசிகலாவின் அக்காள் மகள் வனிதாமணியின் மகன்கள் டிடிவி தினகரன் மற்றும் டிடிவி பாஸ்கரன். இவர்களில் தினகரன் அதிமுகவை கைப்பற்ற முட்டி மோதி பார்த்துவிட்டு தற்போது அம்மா மக்கள் முன்னேற்ற கழகம் என்ற கட்சியை தொடங்கியுள்ளார்.

இந்நிலையில் புதிய கட்சியை தொடங்குவதாக பாஸ்கரன் அறிவித்தார். கடந்த மாதம் 30-ஆம் தேதி தொடங்குவதாக இருந்தது. ஏனோ காரணத்தினால் அந்த விழா அன்றைய தினம் ரத்து செய்யப்பட்டுவிட்டது.

பாஸ்கரன் தனது நீலாங்கரை வீட்டில் கட்சி கொடியை தொடங்கி வைத்தார். கட்சிக்கு அண்ணா எம்ஜிஆர் மக்கள் கழகம் என பெயரிட்டுள்ளார். மேலே சிவப்பு நடுவில் பச்சை கீழே கருப்பு நிறத்தில் கொடி உள்ளது.

அதில் நடுவில் மஞ்சள் நிறத்தில் எம்ஜிஆர் படம் உள்ளது. இதையடுத்து அவரது ஆதரவாளர்கள் ஆரவாரம் செய்தனர்.

English summary

TTV Baskaran starts his own party by naming Anna in his party. He also extends his support to Modi.