கருணாநிதியை நேரில் சந்தித்து வாழ்த்திய நிதிஷ் குமார்
திமுக தலைவர் கருணாநிதியை பீஹார் மாநில முதல்வர் நிதிஷ் குமார் நேரில் சந்தித்து பிறந்தநாள் வாழ்த்து தெரிவித்தார்.
சென்னை : திமுக தலைவர் கருணாநிதியை பீஹார் மாநில முதல்வர் நிதிஷ் குமார் கோபாலபுரம் இல்லத்தில் சந்தித்து பிறந்தநாள் வாழ்த்து தெரிவித்தார்.
திமுக தலைவர் கருணாநிதி தனது 94வது பிறந்தநாளை இன்று கொண்டாடுகிறார். அது மட்டுமின்றி சட்டசபையில் அடியெடுத்து வைத்து 60 ஆண்டுகள் நிறைவுபெறுவதை கொண்டாடும் வகையில் வைரவிழா கொண்டாட்டமும் நடைபெற்றது.
இந்த விழாவில் பங்கேற்க வந்த பிஹார் மாநில முதல்வர் நிதிஷ்குமார், வைரவிழா மேடையில் தொடக்கத்திலேயே உரை நிகழ்த்தினார். கருணாநிதியின் புகழையும், அரசியல் வாழ்வையும் குறித்து புகழ்ந்து பேசிய நிதிஷ்குமார், ஸ்டாலினுக்கு அடுத்த முதல்வராவதற்கான தகுதிகள் இருப்பதாக கூறிச் சொன்றார்.
இதனையடுத்து விழா மேடையில் இருந்து கிளம்பிய நிதிஷ்குமார் கோபாலபுரம் சென்று கருணாநிதியை நேரில் சந்தித்து வாழ்த்து கூறினார். கருணாநிதிக்கு பிறந்தநாள் வாழ்த்தோடு, பூங்கொத்து கொடுத்து தன்னுடைய மகிழ்ச்சியையும் நிதிஷ் பகிர்ந்து கொண்டார்.
Click it and Unblock the Notifications
Sign in with Google