தளபதிகளும் வாரிசுகளும் வேட்பாளர்களாக களமிறங்கிய மதுரை- பயோடேட்டா

Updated: Tuesday, April 26, 2016, 17:43 [IST]

Subscribe to Oneindia Tamil

பி.டி.ஆர். பழனிவேல்தியாகராஜன்

மதுரை மத்திய தொகுதி திமுக வேட்பாளராக பி.டி.ஆர். பழனிவேல் தியாகராஜன் (வயது50) நிறுத்தப்பட்டுள்ளார். முன்னாள் சட்டசபை சபாநாயகர், முன்னாள் அமைச்சர் பி.டி.ஆர். பழனிவேல்ராஜனின் மகன். இவர் முதலியார் சமூகத்தைச் சேர்ந்தவர். அமெரிக்கா நியூயார்க் பல்கலைக் கழகத்தில் விரிவுரையாளராகப் பணியாற்றியவர்.

மூர்த்தி

மதுரை கிழக்கு தொகுதி திமுக வேட்பாளராக பெ. மூர்த்தி (வயது 56) அறிவிக்கப்பட்டுள்ளார். இவர் கள்ளர் சமூகத்தைச் சேர்ந்தவர். 2006 தேர்தலில் சோழவந்தான் தொகுதியில் போட்டியிட்டு எம்.எல்.ஏவானார். மதுரை மேற்கு ஒன்றிய இளைஞரணி அமைப்பாளர், மதுரை மேற்கு ஒன்றிய செயலர் பதவி வகித்தவர். தற்போது மதுரை வடக்கு மாவட்ட திமுக செயலர். இவரது மனைவி செல்லம்மாள் உயர்நீதிமன்ற வழக்கறிஞர்.

கோ. தளபதி

மதுரை மேற்கு தொகுதி திமுக வேட்பாளராக கோ. தளபதி (வயது 60) அறிவிக்கப்பட்டுள்ளார். இவர் நாயுடு சமூகத்தைச் சேர்ந்தவர். 2006 தேர்தலில் சேடபட்டி தொகுதியில் போட்டியிட்டு வென்றவர். மதுரை மாநகர் தெற்கு மாவட்ட செயலராக இருந்து வருகிறார்.

பாலச்சந்திரன்

மதுரை தெற்கு தொகுதி திமுக வேட்பாளராக எம். பாலச்சந்திரன் (வயது 64) நிறுத்தப்பட்டுள்ளார். இவர் சவுராஷ்டிரா சமூகத்தைச் சேர்ந்தவர். 2011 தேர்தலில் திருப்பரங்குன்றம் தொகுதியில் சுயேட்சையாக போட்டியிட்டவர்.

மணிமாறன்

திருப்பரங்குன்றம் தொகுதி திமுக வேட்பாளராக மு. மணிமாறன் (வயது 42) நிறுத்தப்பட்டுள்ளார். இவர் அதிமுக ஆட்சிக் காலத்தில் சபாநாயகராக இருந்த சேடபட்டி முத்தையாவின் மகன். கல்லுப்பட்டி ஒன்றிய செயலராக பதவி வகித்தார். மதுரை தெற்கு மாவட்ட செயலராக இருந்து வருகிறார். 2011 தேர்தலில் திருமங்கலம் தொகுதியில் போட்டியிட்டு தோற்றார்.

இளமகிழன்

உசிலம்பட்டி தொகுதி திமுக வேட்பாளராக இளமகிழன் (வயது 37) நிறுத்தப்பட்டுள்ளார். இவர் வழக்கறிஞர்.

பவானி

சோழவந்தான் தொகுதி திமுக வேட்பாளராக முதலில் ஸ்ரீபிரியா தேன்மொழி அறிவிக்கப்பட்டார். அவர் போட்டியிட விரும்பாத நிலையில் சி.பவானி வேட்பாளரக அறிவிக்கப்பட்டுள்ளார். இவர் ஆதனூர் ஊராட்சி மன்ற தலைவர் சின்னக்கருப்பனின் மனைவி ஆவார்.

அ.பா. ரகுபதி

மேலூர் தொகுதி திமுக வேட்பாளராக அ.பா. ரகுபதி அறிவிக்கப்பட்டுள்ளார். இவர் பார்வார்டு பிளாக் கட்சியில் இருந்து திமுகவுக்கு தாவியவர்.