சீனியர்களை நாகை மாவட்டத்தில் வேட்பாளராக களமிறக்கிய அதிமுக
சீர்காழி:
சீர்காழி அதிமுக வேட்பாளராக களமிறக்கப்பட்டுள்ள பி.வி. பாரதி (57) 1975-ம் ஆண்டு முதல் அதிமுகவில் இருந்து வருகிறார். 1996 சட்டசபை தேர்தலில் சீர்காழி தொகுதியில் போட்டியிட்டு குறைந்த வாக்குகள் வித்தியாசத்தில் வெற்றிவாய்ப்பை இழந்தவர். 2011 முதல் சீர்காழி தொகுதி அதிமுக செயலராக இருந்து வருகிறார்.
பூம்புகார்:
பூம்புகார் தொகுதி அதிமுக வேட்பாளராக எஸ். பவுன்ராஜ் நியமிக்கப்பட்டுள்ளார். 2011-ம் ஆண்டு சட்டசபை தேர்தலில் வென்ற சிட்டிங் எம்.எல்.ஏ. பவுன்ராஜ்.
மயிலாடுதுறை:
இந்த தொகுதியில் மயிலாடுதுறை வடக்கு ஒன்றிய செயலர் ராதாகிருஷ்ணன் (51) வேட்பாளராக போட்டியிடுகிறார். மயிலாடுதுறை ஒன்றியக் குழு உறுப்பினர், கும்பகோணம் மத்திய கூட்டுறவு வங்கி இயக்குநராக இருந்து வருகிறார்.
கீழ்வேளூர்(தனி):
கீழ்வேளூர் தொகுதி அதிமுக வேட்பாளராக மீனா (வயது 35) போட்டியிடுகிறார். கீழையூர் ஒன்றியக் குழு தலைவராக இருக்கிறார். அதிமுகவின் மாவட்ட பிரதிநிதி, இணைச் செயலராகவும் பதவி வகித்து வருகிறார்.
வேதாரண்யம்:
வேதாரண்யம் தொகுதி வேட்பாளராக முன்னாள் எம்.பி. ஓ.எஸ். மணியன் நியமிக்கப்பட்டுள்ளார். 1995- 2001 ஆண்டில் ராஜ்யசபா எம்.பி.யாகவும் 2009-2014-ல் லோக்சபா எம்.பி.யாகவும் பதவி வகித்தவர் ஓ.எஸ். மணியன். அதிமுகவின் மூத்த தலைவர்களில் ஒருவர்.