இளையவர்களும் மூத்தவர்களுமாய்.... திருச்சி திமுக வேட்பாளர்கள் பயோடேட்டா

கே.என்.நேரு

திருச்சி மேற்கு தொகுதி திமுக வேட்பாளராக கே.என். நேரு (வயது 63) நிறுத்தப்பட்டுள்ளார். 1989, 1996-ல் லால்குடி தொகுதியில் போட்டியிட்டு வென்றார். 2006-ல் திருச்சி-2வது தொகுதியில் போட்டியிட்டு வெற்றி பெற்றார். 2011-ல் திருச்சி மேற்கு தொகுதியில் போட்டியிட்டு தோல்வி அடைந்தார். திமுக ஆட்சியில் உணவு, கூட்டுறவுத்துறை, மின்துறை அமைச்சராக பதவ் வகித்தவர். நீண்டகாலம் திருச்சி திமுக மாவட்ட செயலராக இருந்தவர்.

சவுந்தரபாண்டியன்

லால்குடி தொகுதி திமுக வேட்பாளராக சிட்டிங் எம்.எல்.ஏ. சவுந்தரபாண்டியன் (வயது 52) அறிவிக்கப்பட்டுள்ளார். 2006-ம் ஆண்டு தேர்தலிலும் லால்குடி தொகுதியில் வென்று எம்.எல்.ஏவானவர்.

பழனியாண்டி

ஸ்ரீரங்கம் தொகுதி திமுக வேட்பாளராக அறிவிக்கப்பட்டுள்ளவர் எம். பழனியாண்டி (வயது 48). இவர் முத்தரையர் சமூகத்தைச் சேர்ந்தவர். மணிகண்டம் ஒன்றிய திமுக செயலராக 3 முறை பதவி வகித்தவர்.

கணேசன்

மண்ணச்சநல்லூர் தொகுதி திமுக வேட்பாளராக கணேசன் (வயது 55) அறிவிக்கப்பட்டுள்ளார். முசிறி கிழக்கு ஒன்றிய திமுக செயலராக இருக்கிறார்.

அன்பில் மகேஷ் பொய்யாமொழி

திருவெறும்பூர் தொகுதி திமுக வேட்பாளராக அன்பில் மகேஷ் பொய்யாமொழி (வயது 39) நிறுத்தப்பட்டுள்ளார். இவரது தாத்தா அன்பில் தர்மலிங்கம் முன்னாள் அமைச்சர்; இவரது தந்தை பொய்யாமொழி, சித்தப்பா பெரியசாமி ஆகியோரும் எம்.எல்.ஏ.க்களாக இருந்தவர்.

ஸ்டாலின்குமார்

துறையூர் (தனி) தொகுதி திமுக வேட்பாளராக ஸ்டாலின்குமார் (வயது 32) நிறுத்தப்பட்டுள்ளார். இவர் பொறியியல் பட்டதாரி. இவரது தந்தை துறையூர் 17-வது வார்டு செயலர்; தாய் துறையூர் நகர்மன்ற தலைவராக இருந்தவர்.

முகமது நிஜாம்

மணப்பாறை தொகுதி திமுக கூட்டணி கட்சியான இந்திய யூனியன் முஸ்லிம் லீக் வேட்பாளராக முகமது நிஜாம் (வயது 45) அறிவிக்கப்பட்டுள்ளார். அக்கட்சியின் மாநில பொதுக்குழு உறுப்பினர். எம்.ஏ.எம். கல்விக் குழுமத்தின் தலைவராவார்.

English summary

Here are the Bio datas of Trichy Dist DMK Candidates.