பெருந்தலைகளை விருதுநகரில் வேட்பாளர்களாக்கிய திமுக- பயோடேட்டா
தங்கப்பாண்டியன்
ராஜபாளையம் தொகுதி திமுக வேட்பாளராக எஸ். தங்கப்பாண்டியன் (வயது 47) அறிவிக்கப்பட்டுள்ளார். ராஜபாளையம் மேற்கு ஒன்றிய திமுக செயலராக இருந்து வருகிறார்.
கே.கே.எஸ்.எஸ்.ஆர். ராமச்சந்ந்திரன்
அருப்புக்கோட்டை தொகுதி திமுக வேட்பாளராக கே.கே.எஸ்.எஸ்.ஆர். ராமச்சந்ந்திரன் (வயது 67) நிறுத்தப்பட்டுள்ளார். இவர் ரெட்டியார் சமூகத்தைச் சேர்ந்தவர். அதிமுக மற்றும் திமுகவில் செல்வாக்கு மிக்க அமைச்சராக திகழ்ந்தவர். சாத்தூர் சட்டசபை தொகுதியில் இருந்து 6 முறையும் விளாத்திகுளம் தொகுதியில் இருந்து 1 முறையும் போட்டியிட்டு வென்று மொத்தம் 7 முறை எம்.எல்.ஏ.வாக இருந்தவர்.
சீனிவாசன்
விருதுநகர் தொகுதி திமுக வேட்பாளராக ஏ.ஆர்.ஆர்.சீனிவாசன் (வயது 59) நிறுத்தப்பட்டுள்ளார். இவர் நாயக்கர் சமூகத்தைச் சேர்ந்தவர். 1979 முதல் திமுகவில் இருந்து வருகிறார். 1996 தேர்தலில் போட்டியிட்டு விருதுநகர் தொகுதி எம்.எல்.ஏ.வானார்.
தங்கம். தென்னரசு
திருச்சுழி தொகுதி திமுக வேட்பாளராக சிட்டிங் எம்.எல்.ஏ. தங்கம். தென்னரசு (வயது 49) அறிவிக்கப்பட்டுள்ளார். இவர் மறவர் சமூகத்தைச் சேர்ந்தவர். திமுகவின் மூத்த தலைவர் தங்கபாண்டியனின் மகன். திமுக ஆட்சியில் பள்ளிக் கல்வித்துறை அமைச்சராக இருந்தவர். 2011 தேர்தலில் திருச்சுழி தொகுதியில் போட்டியிட்டு எம்.எல்.ஏ.வானார்.
சீனிவாசன்
சாத்தூர் தொகுதி திமுக வேட்பாளராக வி. சீனிவாசன் (வயது 38) நிறுத்தப்பட்டுள்ளார். இவர் மறவர் சமூகத்தைச் சேர்ந்தவர்.
Click it and Unblock the Notifications
Sign in with Google