தருமபுரியில் மாஜி எம்பி, சிட்டிங் எம்.எல்.ஏ ப்ளஸ் சீனியர்ஸ்- அதிமுக வேட்பாளர்கள் பயோடேட்டா
கே.பி. அன்பழகன்
பாலக்கோடு அதிமுக வேட்பாளராக சிட்டிங் எம்.எல்.ஏ. 
கே.பி. அன்பழகன் (வயது 58) நிறுத்தப்பட்டுள்ளார். வன்னியர் சமூகத்தைச் சேர்ந்தவர். 2001,2006, 2011-ம் ஆண்டு சட்டசபை தேர்தல்களில் போட்டியிட்டு எம்.எல்.ஏ.வானார். 2003-ம் ஆண்டு அதிமுக ஆட்சியில் செய்தித் துறை அமைச்சராகவும் இருந்தவர்.
கேபிமுனுசாமி
பென்னாகரம் தொகுதி அதிமுக வேட்பாளராக 
கேபி முனுசாமி அறிவிக்கப்பட்டுள்ளார். கிருஷ்ணகிரி மாவட்டம் உருவாக்கப்படுவதற்கு முன்பு ஒன்றுபட்ட தருமபுரி மாவட்ட செயலராக இருந்தவர் முனுசாமி. இவர் கிருஷ்ணகிரி லோக்சபா எம்.பியாகவும் 1991,2001-ல் காவேரிபட்டினம் தொகுதி எம்.எல்.ஏ.வாகவும் வென்றவர். 2011-ல் கிருஷ்ணகிரி தொகுதியில் போட்டியிட்டு வென்ற கேபி முனுசாமி அமைச்சராகவும் பதவி வகித்தவர்.
முருகன்
அரூர்(தனி) தொகுதி வேட்பாளராக ஆர்.ஆர். 
முருகன் (வயது 51) நிறுத்தப்பட்டுள்ளார். 2009-ம் ஆண்டு முதல் அரூர் ஒன்றிய செயலராக இருந்து வருகிறார். தருமபுரி மாவட்ட அதிமுக பொருளாளர், அரூர் தொகுதி பொறுப்பாளர் பதவிகளையும் வகித்திருந்தார்.
பழனியப்பன்
பாப்பிரெட்டிபட்டி தொகுதி அதிமுக வேட்பாளராக சிட்டிங் எம்.எல்.ஏ.வும் அமைச்சருமான 
பழனியப்பன் மீண்டும் நிறுத்தப்பட்டுள்ளார். 2001-ல் மொரப்பூர் சட்டசபை தொகுதியில் போட்டியிட்டு வென்றார். 2011 தேர்தலில் பாப்பிரெட்டிபட்டி தொகுதியில் போட்டியிட்டு எம்.எல்.ஏ.வானார். அதிமுக ஆட்சியில் உயர்கல்வித் துறை அமைச்சர் பொறுப்பும் வகிக்கிறார்.
பு.தா. இளங்கோவன்
தருமபுரி தொகுதி அதிமுக வேட்பாளராக பு.தா. 
இளங்கோவன் (வயது 52) அறிவிக்கப்பட்டுள்ளார். பா.ம.க.வில் இருந்து 2004-ம் ஆண்டு அதிமுகவுக்கு வந்தார். 1999-ல் தருமபுரி லோக்சபா தொகுதியில் பாமக சார்பாக போட்டியிட்டு எம்.பி.யாக வென்றவர். 1996-ல் புவனகிரி சட்டசபை தேர்தலில் பாமக வேட்பாளராக போட்டியிட்டு தோல்வியைத் தழுவியவர்.
Click it and Unblock the Notifications
Sign in with Google