புதியவர்களுடன் சிவகங்கையில் களமிறங்கிய அதிமுக- வேட்பாளர்கள் பயோடேட்டா
பாஸ்கரன் அம்பலம்
சிவகங்கை தொகுதி அதிமுக வேட்பாளராக பாஸ்கரன் அம்பலம் (வயது 60) நிறுத்தப்பட்டுள்ளார். இவர் கள்ளர் சமூகத்தைச் சேர்ந்தவர்.
மாரியப்பன் கென்னடி
மானாமதுரை(தனி) தொகுதி அதிமுக வேட்பாளராக மாரியப்பன் கென்னடி (வயது 41) நிறுத்தப்பட்டுள்ளார். அதிமுக மாணவரணி சிவகங்கை மாவட்ட துணைத் தலைவராக உள்ளார். இவரது மனைவி சென்னை பொருளாதார குற்றப்பிரிவு டி.எஸ்.பி.யாக உள்ளார்.
கற்பகம் இளங்கோ
காரைக்குடி தொகுதி அதிமுக வேட்பாளாராக கற்பகம் இளங்கோ (வயது 55) நிறுத்தப்பட்டுள்ளார். சிவகங்கை மாவட்ட அதிமுக இணைச் செயலரான இவர், கள்ளர் சமூகத்தைச் சேர்ந்தவர். இவரது கணவர் இளங்கோ, வேளாண்மைத்துறை அதிகாரியாக பணியாற்றி ஓய்வு பெற்றவர்.
அசோகன்
திருப்பத்தூர் தொகுதி அதிமுக வேட்பாளராக கே.ஆர். அசோகன் (வயது 44) அறிவிக்கப்பட்டுள்ளார். சிவகங்கை மாவட்ட ஜெ. பேரவை செயலாளர் மற்றும் கல்லல் ஒன்றியப் பெருந்தலைவராக உள்ளார். இவர் கள்ளர் சமூகத்தைச் சேர்ந்தவர்.